Sälät weteranı Nurbäk Batulla tatar alfawitı tarixın biyudä çagıldıra ← kire kaytirga
1927-nçe elda tatar xalkınıñ mädäniyate ölkäsendä kisken borılış bula. Meñ eldan artık garäp älifbasın kullangan tatarlar kinät kenä üzläre telämägän latıynga küçä, küp tä uzmıy, 1939-nçı elda tatarlarnı kirillitsada yazarga mäcbür itälär. Şulay itep, tatarlar Ana telebezneñ yazması häm söyläme öçen bik möhim bulgan cide xäreftän mäxrüm kala. Ana telebez üzeneñ sıgılmalılıgın, matur ahäñen, tiränlegen, rifmasın, ritmın yugalta. Borıngı şagıyrlär icat itkän äsärläreneñ mägnäse kimi. Xalıknıñ X-nçı gasırdan alıp kamilläşkän üzençälekle tele şaktıy küp yugaltularga duçar bula.
Şuşı tarixi wakıyganı 22, 25 häm 29-nçı oktyabr könne Kazan şähärendä (Profsoyuznaya ur.,19) Sälät weteranı Nurbäk Batulla tarafınnan «Älif» spektaklendä kürä alaçaksız.
Sälät weteranı Nurbäk Batulla:
«Sälät belän yakınrak min 1999-nçı elda «Sälät-Rauşan» smenasında tanıştım. «Efäk kanat» proektı näticäsendä isä Bolgariyadä bulıp kayttım. «Bikafest» festiwalendä Yoldız Miñnullina belän berlektä üzemne alıp baruçı rolendä dä sınap karaganım buldı. Älbättä, Sälät moxite minem talantımnı açıp cibärergä zur etärgeç buldı. Iñ istä kalgan smenam ul – 2003-nçe elda «Sälät-Bilär» festiwale. Sälät aktiwistlarına telägem şul: kıyu bulıgız, bernärsädän dä kurıkmagız. Şulay gına sez uñışka ireşä alaçaksız».
Spektakl xakında
kıskaça:
Tamaşa öç öleştän tora
Berençe öleştä biyu xäräkätläre yardämendä tatar-garäp imlasınıñ xärefläre yazıla häm gäüdälänä. Xäreflärneñ atamaları yañgırıy.
Ikençe öleştä öç cırçı kız Gabdulla Tukaynıñ «Tugan tel» en köygä salalar. Berençe kız onıtılgan tatar-garäp xäreflären äytep bara, ikençese şigır süzlären yañgırata, öçençese isä tulı ber yulnı işetterä.
Öçençe öleş alda yañgıragan süzlärne berläşterä häm şigır tulısı belän öç tawışka cırlana. Biyuçe isä şagıyrneñ üzen canlandıra häm tatar xalkınıñ meñ ellar däwamında bulgan mädäni däwerneñ yazmışın gäüdäländerä.
Spektaklga biletlarnı sez tübändäge sıltama aşa uzıp satıp ala alasız.