Beznen turyda

Bügenge «Sälät» dönyası – tatar xalkının kiläçäktä tormışka aşaçak xıyallarının ölgese häm nigeze.

«Sälät» ul – däülät. Bügen ul sälätle balalar däüläte. Tatar tele çın däülät tele bulıp yaşägän däülät.

«Sälät» ul – il. «Sälät» ilenen çikläre yuk. «Sälät» ilenen maksatı – Cir şarında tatarlar yaşägän här töbäktä «Sälät» käräzläre buldıru, bal kortları ile kebek, şul töbäklärdä nıklap käräzlärgä bal-egärlek cıyu, bal kortlarının-tatarlarnın ömmäten, ilen arttıru, şul moxittä telebezne, mädäniyatebezne üsterü.

- «Sälät» ul – moxit. Belemgä, fängä tartılgan balalarnı, aeruça akıl sälätlären törle konkurslarda, olimpiadalarda kürsätkän balalarnı barlau, saylau, üsterü moxite.

Sälätle balalarnı, yaş galimnärne ber-berse belän häm atkazangan ostazlar belän tanıştıru, alga taba tormışlarında sälätlärenä tängäl professiya, künellärenä kulay yul, yaşäü räweşe saylarga yardäm itü moxite.

Nigezdä fän häm belem, intellekt yunäleşläre östenlek itkän, şul uk wakıtta törle mädäni häm sport çaralarına da zur ähämiyat birelgän moxit.

Tatar telen öyränü, üsterü, tatar telendä aralaşu öçen barlık şartlar da tudırılgan, şul uk wakıtta rus häm başka tellärdä aralaşu, belem alu mömkinlekläre çiklänmägän moxit.

- «Sälät» ul – xäräkät. Tatarstannın distälägän rayonnarında, Räsäy regionnarında häm xätta çit illärdä uku-ukıtu alannarı uzdıruçı, tatarlar yaşägän barlık töbäklärdän çakırıp, menlägän tatar yaşlären el däwamında yözlägän çaralar, distälägän zur forum, festiwallärdä kaynatuçı in oeşkan yaşlär xäräkäte.

- «Sälät» ul – çeltär. In berdäm, in totrıklı duslık mönäsäbätlärennän ürelgän, ışanıç xisläre belän bäylängän, Cir şarının tatarlar yaşägän barlık ölkälären totaştırgan, Internetta da, real tormışta da könnän-kön üsä, nıgıy bargan çeltär.

- «Sälät» ul – sistema. Maksatı sälätle balalarnı barlau, tuplau, üsterü bulgan (el däwamında 10-12 men bala «Sälät»kä tartıla), monı başkaru öçen kiräkle infrastrukturası häm material-texnik bazası bulgan (Kazandagı «Sälät yortı», Bilärdäge «Sälät-Fänsar» Yaşlär Akademiyase üzäge, «Sälät – Iske Kazan – hönärçelär şähärçege», Kazan yanındagı «Sälät-Yoldızlı» uku-ukıtu alanı, şulay uk rayonnardagı häm Räsäy töbäklärendäge distälägän ukıtu-sälamätländerü alannarı, «Praga uku-ukıtu mäktäbe» (Çexiya), «Sälät»nen üzennän üsep çıkkan häm çittän çakırıla torgan ukıtuçı professional belgeçläre bulgan, 1994-nçe elda entuziast ukıtuçılar initsiatiwası belän başlanıp, däülät citäkçeläre, däülät organnarı häm uçrejdenieläre yardäme belän tözelgän häm bügenge köndä sälätle balalar belän aktiw eşläüçe sistema.

- «Sälät» ul – texnologiya. Sälätle balalrnı tuplau, alar belän eşläüne cämägatçelek häm däülät organnarı belän berlektä sistemalı räweştä alıp baru öçen, totrıklı, eldan-el nıgıy, kinäya bargan, bügenge cämgıyatnen unay küreneşle ber öleşe bulgan uku-uktıu, tärbiya birü häm sälamätländerü moxite tudıru öçen, balalarnı xalıkara duslık, milli häm dini tigezlek ruxında, etno-mädäni moxittä tärbiyaläü öçen böten Räsäy külämendä ürnäk bulırlık sotsial texnologiya.

Maksatlar:

- Sälätle balalarnı häm yaşlärne ezläü, saylap alu häm el äylänäse alar belän daimi eşläü;
- Cämgıyattä üz urınnarın tabuda häm professiya saylauda yardäm itü;
- Zamança fikerli, gomumkeşelek kıymmätlären häm milli üzençäleklärne ber däräcädä kürä torgan intellektual-ruxi elita buldıruda katnaşu;
- Bügenge cämgıyattä intellekt häm rux östenlege ideyasen tulıkanlı yaşäeşkä kertü.

Nizamätlär:
- Bez yaxşılıkka tartılıp üsäbez, naçarlıktan etärelep tügel;
- «Sälät» – tärbiya birü moxite, läkin tärbiyasezne tözätü moxite tügel;
- Bergä bez säyasätkä kuşılmıybız, ämma säyasät beznen härkaysıbızda häm härkaysıbız säyasättä bulırga mömkin;
- Tänkıyt – beznen alım tügel. Beznen alım – analiz, icat häm üseş;
- «Sälät» ul – milli häm dini garmoniya, ruxi häm fikri irek moxite;
- «Sälät» – yaş keşegä üzen şäxes bularak kabul itü häm cämgıyattä üz urının bilgeläü mömkinlege birä torgan dairä.

Gimn:

Marsh: