«Сәмрух» ел премиясе

Premiya Tatarstan Respublikası «Sälät» yaşlär ictimagıy fondı tarafınnan Tatarstan Respublikası xökümäte yardäme belän oeştırıla. Oeştıruda «Kazan sälätlelär açık uniwersitetı 2.0» Awtonom kommertsiyaçel bulmagan oeşması yardäm itä.

Premiyaneñ maksatı: Sälät xäräkätendä katnaşuçı sälätle balalarnı häm talantlı yaşlärne büläkläü, Sälät aktiwistlarınıñ, partnerlarınıñ, Sälät proektları awtorlarınıñ häm oeştıruçılarnıñ eşenä bäya birü.

El saen uzdırıluçı «Sämrux» isemle Respublikaküläm sälätle balalar häm talantlı yaşlär premiyasendä Sälät xäräkätendä aktiw balalar, yaşlär, ukıtuçılar katnaşa.

Premiya dürt etapta uzdırıla:

1 nçe etap – «Garizalar kabul itü».

                Katnaşuçılar garizanı raslangan forma belän www.selet.biz saytında tutıralar häm portfolioların Oeştıru komitetına cibärälär. Wakıtı – 2023 elnıñ 20 nçe noyabrenä kadär.

2 nçe etap – «Katnaşuçılarnı saylap alu. Çittän torıp katnaşu etabı».

                Katnaşuçılarnı portfolio nigezendä saylap alu. Premiyaneñ Oeştıru komitetı katnaşuçınıñ garizasın karıy häm anı tübändä bilgelängän kriteriylar nigezendä bäyali. Katnaşuçınıñ kiläse etapka uzu-uzmawı cıelgan ballar sanına karap bilgelänä. Igtibar! Barlık nominatsiyalärdä dä katnaşuçılarnıñ soñgı ike elda ireşkän uñışlarına bäya birelä. Wakıtı – 2023 el, 28 nçe noyabr - 4 nçe dekabr.

3 nçe etap – «Katnaşuçılarnı äñgämä nigezendä saylap alu». 

                Kandidatlar belän äñgämäne ekspertlar sowetı uzdıra häm bäya birä, anıñ töp maksatı – katnaşuçınıñ eşçänlege turında tulırak mäglümat alu. Katnaşuçınıñ çıgışı näticäläre buença ekspertlar sostawı ballar kuya. Alar berençe etap balları belän kuşıla. Biremnärneñ formasın häm eçtälegen ekspertlar bilgeli. Ekspertlar, näticä yasaganda, katnaşuçılarnıñ çittän torıp saylap alu etabında tuplagan balların da isäpkä alırga xokuklı.

Konkurs uzdırıluga 5 kön kala, uzdırılu urını, wakıtı häm konkursnıñ eçtälege xakında xäbär itelä. Wakıtı – 2023 elnıñ 7 nçe dekabrennän 2024 elnıñ 18 nçı gıynwarına kadär.

4 etap – «Tantanalı räweştä premiyane tapşıru».

              2024 el, fewral – laureatlarnı häm premiyaneñ ciñüçelären büläkläü. Tantananı ütkärü datası häm wakıtı  Oeştıru komitetı tarafınnan östämä räweştä xäbär itelä. Kötelmägän şartlar kilep çıkkan oçrakta, Oeştıru komitetı premiyaneñ uzdıru etapların üzgärtergä mömkin. 


El saen uzdırıluçı «Sämrux» premiyase tübändäge nominatsiyalär buença ütkärelä:

          - «El direktorı» 

          - «El ölkän äydamanı» 

          - «El alanı» 

          - «El sälkeşe» 

          - «El äydamanı» 

          - «El klubı» 

          - «El kuldaşları» 

          - «Sälät cırlıy» 

          - «El metodistı»


Gariza tapşıru wakıtı – 2023 elnıñ 20 nçe noyabrennän dä soñrak bulırga tieş tügel.


Portfoliolar Kazan şähäre, Ostrowskiy uramı, 23 nçe yort (Sälät Yortı), 3 nçe bülmädä kabul itelä. Yaki oeştıru komitetınıñ elektron poçtasına cibärelä: samruh@selet.biz.

Beleşmä öçen telefon: + 7 (843) 292 - 16 - 00.

Nigezlämägä turı kilmägän garizalar konkursta karalmıy.

NIGEZLÄMÄ

GARIZA

Rukowodstwo