Самые лучшие были удостоены денежной премии
11.03.2019
G. Tukay isemendäge Tatar däülät filarmoniyase zalında «Sämrux-2018» premiyaseneñ büläkläü tantanası uzdı. Tatarstan Respublikası Xökümäte yardäme belän «Sälät» yaşlär ictimagıy fondı tarafınnan tormışka aşırılgan älege çara berençe märtäbä 2015 elda ütkärelde. «Sälät» berläşmäseneñ 25 ellıgına bagışlangan bıelgı bäyräm tantanasına kilgän sälätlelär el däwamında başkarılgan eşçänlekkä yomgak yasadı. Xäräkättä katnaşuçı iñ aktiwlar xezmätenä yugarı bäya birelde.
«Sämrux» premiyaseneñ üzençälege şunda: ciñüçelärne büläkläü fund.selet.biz saytı aşa tuplangan büläkläü fondı häm iganäçelär yardäme belän ütkärelä.
Bıel premiyagä 700 gä yakın keşe dägwa kılgan. Kazan, Zäy, Yaşel Üzän, Bögelmä, Aksubay, Tukay, Saba, Aznakay rayonnarı, Samara ölkäse sälätleläre 8 nominatsiyadä köç sınaşkan. Şunısı igtibarga laek: «El kuldaşları» nominatsiyasendä pedagogik situatsiyalärne xäl itü mäsäläläre karalgan, äydamannar katlaulı xällärdä balalar belän eşläü künekmälären kürsätkän.