Студенты КФУ - победители премии в области поддержки одаренных детей и талантливой молодежи «Сәмрух-2018»

Kazan uniwersitetınıñ öç studentı el premiyaseneñ «El kuldaşları» häm «El direktorı» nominatsiyalärendä ciñü yauladı. Gabdulla Tukay isemendäge Tatar däülät filarmoniyasendä talantlı balalarnı häm yaşlärne üsterü ölkäsendä birelä torgan «Sämrux-2018» el premiyaseneñ büläkläü tantanası uzdı.

Premiya «Sälät» oeşması tarafınnan oeştırıla häm sälätle yaşlärne üsterü, oeşma belän bergä eşläüçe ostazlarnı, partnerlarnı, awtorlarnı häm oeştıruçılarnı büläkläüne küzdä tota. Bıel tantana Sälätneñ 25 ellıgı uñaennan oeştırılgan ide.

Tantananıñ märtäbäle kunakları arasında RF Däülät Dumasınıñ VII çakırılış deputatı, «Sälät»neñ Popeçitellär sowetı räise Marat Bariew, Tatarstan Respublikası Premer-ministrı urınbasarı Läylä Fazlıewa, TR Yaşlär eşläre ministrı Damir Fättaxow häm başkalar bar ide.

Tamaşaçılar sanı 700gä citte. Alar arasında «Sämrux-2018» premiyase katnaşuçıları, alarnıñ äti-äniläre, Sälätneñ profille smenaları oeştıruçıları häm katnaşuçıları bar ide. Katnaşuçılar geografiyase: Zäy, Yaşel Üzän, Bögelmä, Aksubay, Tukay, Saba, Aznakay rayonnarı, Kazan şähäre häm Samara ölkäse.

Tatarstannıñ mägarif häm fän ministrı Rafis Borhanow Tatarstan Prezidentı Röstäm Miñnexanownıñ sälamen citkerde häm: «Sez – bezneñ terägebez, bez sezgä bik zur ömetlär baglıybız», – dip belderde.

Läylä Fazlıewa: «Sezneñ bik zur baylıgıgız bar – tugan telegezne beläsez. Üz xalkıgıznıñ mädäniyaten saklıysız. Min sezgä şunıñ öçen bik räxmätle. Tagın ber sıyfatıgız oşıy – komandada eşli beläsez häm härwakıt ber-beregezgä teräk bulasız», – dip söyläde.

«25 el däwamında Sälät gadäti yaşlär xäräkätennän cämgıyatne sälamätländerü texnologiyasenä äylände. Ul üz kanatı astına tugan yaknıñ mädäniyaten, tugan tellären yarata häm saklıy, belemgä omtıla torgan sälätle yaşlärne häm osta belgeçlärne tuplıy. Sälät – ul sıyfat bilgese», – dip söyläde Damir Fättaxow.

Premiya üz eçenä 8 nominatsiyane aldı: «El sälkeşe», «El äydamanı», «El ölkän äydamanı», «El direktorı», «El alanı», «El kuldaşları», «El klubı» häm «Sälät cırlıy».

Konkurs etapları şäxsi häm komanda kazanışlarınnan torgan portfolio tuplaudan, ekspertlar soraularına cawap birüdän häm intellektual wiktorinadan tordı. Ekspertlar bularak ministrlık häm wedomstwo wäkilläre, galimnär häm mädäniyat ölkäsendä eşläüçelär, şulay uk tanılgan cämägat eşlekleläre häm yaşlär oeşmaları citäkçeläre çakırılgan ide.

«El kuldaşları» nominatsiyasendä KFUnıñ 2-nçe kurs studentları Azat Bulatow (Mäglümati texnologiyalär häm intellektual sistemalar Yugarı mäktäbe) häm Alinä Näbiullina (filologiya häm mädäniyatara kommunikatsiyalär Institutı) ciñü yauladı. Alar Sälätneñ cäyge «Sälät-Eşmäkär» alanında kuldaşlar bulgan.

Alinä Näbiullina KFUnıñ berdäm mäglümati-näşriyat üzägenä: «Bez konkurska kreatiw yaktan äzerlänergä buldık. Portfoliobızda «äydamannar pasportı» buldırdık, «garantiya talonı» digän närsä uylap taptık», – dip söyläde. «Bu ciñü bik kötelmägän buldı. Bu ciñü – bezneñ eşebezgä yugarı bäya birü», – dip bilgeläp ütte ul.

Kazan uniwersitetı kopilkasında tagın ber trofey – KFUnıñ Jurnalistika häm massaküläm kommunikatsiyalär yugarı mäktäbe magistrantı Bulat Gaynetdinow «El direktorı» nominatsiyasendä ciñü yauladı.

«Bu premiyadä ciñü ciñel birelmäde, çönki monda saylap alu turında kürsätkän ostalıklarıña gına tügel, el däwamında eşlägän eşeñä bäya birelä. Üz-üzemä ışanuım yardäm itte. Min bu premiyadä inde ikençe tapkır katnaşam. Uzgan el «El kuldaşları» nominatsiyasendä ciñgän idem», – dip söyläde ul.

Ciñüçelärgä diplomnar häm «Sämrux» sınnarı tapşırıldı.