«БИКАФЕСТ»: ИҖАТ, ДӘРТ, ИЛҺАМ

«BIKAFEST»: ICAT, DÄRT, ILHAM 10.12.2019

8 nçe dekabr könne Sälät Yortında «BikaFest» festiwaleneñ Gala-kontsertı görläde. Röstäm Bikmullin isemendäge Respublikaküläm yaşlär cır-şigır festiwale sängatkä gaşıyklarnı bu el 18nçe tapkır barladı.

Tatar xalık cırları, awtornıñ üze icat itkän şigırläre häm kompozitorlar köyläre belän ürelep bardı gala-kontsert.Festiwal metsenat awtor-başkaruçı Röstäm Bikmullinnıñ istälegen mäñgeläşterä. Katnaşuçılar «Üz äsären iñ osta ukuçı», «Tatar kompozitorlarınıñ akademik äsären iñ osta başkaruçı», «Iñ yaxşı kollektiw başkaruçı» h.b. nominatsiyalärdä yarıştı.

Bıel 100dän artık katnaşuçı arasınnan 35e finalga uzdı. Jyuri ägzası Läysän Arsentewa süzlärençä, här katnaşuçı başkaru, artistizm häm üz-üzen totu ostalıgı kriteriyları buença bäyalände. «Saylarga kıen, härberseneñ «izyuminkası» bar», - dip äytte cırçı. Katnaşuçılar cırların başkarganda da dulkınlanıp karadı ul.

Finalistlarnıñ çıgışlarınnan soñ, «BikaFest» ciñüçeläre tantanalı räweştä büläklände. Ädäbiyat buença gran-prinı Ayrat Xäyrullin yauladı, «Cır» yunäleşendä Alsu Salixowa ciñügä ireşte.  

Katnaşuçılar belän çiratlaşıp «Sälät»neñ yakın dusları Ruslan Zakirow, Yoldız Miñnullinanıñ, Zärinä Wildanowa, Ilgiz Şäyxraziew häm «Bäläkäç» balaları çıgış yasadı.

Gala-kontsert kwartirnik formatında ütte. Zalda utıruçı tamaşaçı katnaşuçılarnıñ çıgışların soklanıp, tañ kalıp küzätte.   

«Sälät – mömkinleklär moxite». «BikaFest» sälätle balalarnı üzenä cıep, bu mömkinlekne kabat büläk itte. Icat, därt, ilham festiwaleneñ gomere ozın bulsın ide! 

http://yalkyn.ru/news/bu-tema/bikafest-iat-drt-ilam


Wozwrat k spisku