ЧЕБИЛӘРНЕ САНАР ЧАК: «СӘЛӘТ»ЛЕ ҖӘЙГӘ НӘТИҖӘЛӘР

24.09.2020

Palatkalı, uçaklı, gitaralı, çeben, çerki, kırmıskalı, kabatlanmas emotsiyalärgä bay (isemlekne çiksez däwam itep bulır ide) 2020elnıñ «Sälät»le cäenä näticälär yasar çak citte. Bıelgı üzençälekle cäydä «Sälät» üzeneñ maksatlarına ni däräcädä ireşä algan?

Bütän ellarda cäyge eşçänlegen iyun başında uk başlap cibärä torgan «Sälät» oeşması bıel, bilgele säbäplär arkasında, üz lager-forumnarına startnı barı tik iyuldä genä birä aldı. Bu turıda «Sälät» yaşlär üzäge direktorı Aygöl Gabdraxmanowa:

- Bıel «Sälät» alannarınıñ bulu-bulmawı barı tik iyun axırında gına bilgele buldı. Başka elardan aerımalı bularak, bezneñ cäyge eşçänlek iyuldän genä başlandı. Katnaşuçılar barı tik Tatarstannan gına ide. Älege cäebez başka ellardan aerılıp torsa da, bezneñ öçen ul näk başka ellardagı kebek ütep kitte, - dip söyläde.

Sannarga kilsäk, «Sälät» alannarında moñarçı 18 meñ tiräse bala yal itä ide. Bıel älege san 19 meñgä citkän. Pandemiya şartlarında mondıy näticägä niçek ireşep bulgan soñ?

Oeşmanıñ cäyge alannar koordinatorı Igor Smirnow älege sorauga bolay dip cawap birde:

- Bıel offlayn formatta 7 meñ bala katnaşsa, 12 meñ bala forum, alannar eşçänlegen onlayn küzätä aldı. Konkurs ber urınga 4 keşegä citte. 22 alan häm forumnıñ 6 smenası uzdı. Bolar barısı da 2 ay eçendä başkarıldı, - di ul.

Cäyneñ iñ zur näticäläreneñ berse – oeşmanıñ üz mäktäbe açılu. Bügenge köndä «Asıltaş» mäktäbendä ber genä sıynıf (1nçe) bar. Anda 11 ukuçı belem ala.

«Sälät»neñ mägarif üzäge citäkçese Dilärä Yakubowa:

- Belem alu protsessın oeştırudan tış, bezneñ maksat – törle yaktan ölger balalar üsterü. Xoreografiya, wokal, sängat däreslärennän östämä däreslär bara. Mäktäbebezdä öç telle moxit: däreslär tatar, rus, ingliz tellärendä uza. «Asıltaş»ta «Sälät»tä bulgan mömkinlelärne kullananabız. Därestän soñ balalar yanına äydamannar, tyutorlar kilä. Programma mäktäptä genä ütmi. Oktyabrdä, misal öçen, uku-ukıtu protsessı «Yoldızlık»ta uzaçak. Bezgä ukırga kilgän küp balalarnıñ yä äti-äniläre, yä apa-abıyları, yä berär başka tugannarı «Sälät»tän. «Sälät»tän bulmagan gailälärdän dä balalar bar. Älege mäktäptä uku öçen «Sälät»tän bulu mäcbüri tügel. Alga taba planda - tulı mäktäp buldıru, - dip söyläde.

Awtor: Zilä Sabitowa.

Tulırak: http://yalkyn.ru/news/bu-tema/chebilrne-sanar-chak-sltle-yg-ntilr


Wozwrat k spisku