Айгөл Габдрахманова: «Сәләт»кә килгән балалар телне өйрәнү теләге белән кайтып китә

23.09.2020 (Kazan, 23 sentyabr, «Tatar-inform», Zilä Möbäräkşina). Bıel «Sälät» forumında cide meñ bala oflayn häm unike meñ bala onlayn katnaşa algan. «Sälät» yaşlär üzäge direktorı Aygöl Gabdraxmanowa forumda bulgan balalarda telne öyränü teläge barlıgın äytte. Bu xakta ul «Tatar-inform»da uzgan cäyge kampaniya yomgaklarına bagışlangan matbugat oçraşuında agentlık xäbärçesenä söyläde.

«Sälät»tän soñ bala tatarça söyläşergä öyränep kitä, digän garantiyane birep bulmıy. Bez balalarnı teläk buença tuplıybız. Äytik, «Sälät-Rauşan»ga telne yaxşı däräcädä belgän balalar alına. Töp üzençälek — balalar telne moxittä öyränä. Sälkeşlär telne tiränten öyränü teläge belän kaytıp kitä. Aralaşu 90 protsent tatar telendä. Bala kimendä 100 tatar süzen belep kitä», — dide ul.

Anıñ süzlärençä, forumda Tatarstan rayonnarınnan kilgän balalar gına katnaşkan. «Başka töbäk häm illärdäge millättäşlärebez onlayn katnaşa aldı. Forumda „Sälät-layf“ digän yaña mäydançıgıbız buldırıldı. Bezneñ belän bula almagannar çaralarıbıznı kön saen onlayn karap bardı. Balalarnıñ nindi şartlarda yaşägänen äti-änilär dä küzätep tordı», — dide ul.

«12 meñ bala onlayn häm cide meñ bala oflayn forum häm alannar eşçänlegen küzätä aldı. Bu, minemçä, zur kürsätkeç. Älege cäy yaña xislärgä bay buldı. Iyul başına kadär tögäl berni dä belmädek: datalar küçä bardı. Şul uk wakıtta bez alannar sanın saklap kala aldık. Regionnarda uza torgan alannar gına ütkärelmäde. Äydamannar axırgaça üz eşlären yugarı däräcädä başkardı», — dide «Sälät»neñ cäyge alannar koordinatorı Igor Smirnow.

Aygöl Gabdraxmanowa «Sälät»kä karata iminlek taläpläre tagın da katgıylanuın iskärtte. «Bezgä igtibar arttı. Alannarda kurkınıç xällärneñ bulmawına söendek. Balalar da tınıçlap, räxätlänep yal itä aldı. Samara, Başkortstan, Çuwaşiyadäge alannarıbız oeştırılmadı. Rossiya külämendä uzuçı çatırlı alannar tuktatılıp tordı», — dip söyläde ul.

Podrobnee: https://tatar-inform.tatar/news/society/23-09-2020/ayg-l-gabdrahmanova-s-l-t-k-kilg-n-balalar-telne-...

Wozwrat k spisku