«ЕЛ СӘЛКЕШЕ» НАРИМАН: «КИРӘК» ДИП КЕНӘ АЛАЙ БУЛДЫРЫП БУЛМЫЙ»

1 10.03.2021

Iseme: Nariman Wildanow

Tugan köne: 05.08.2006

Tugan cire: Älmät şähäre

Yaşi: Kazan

Ukıy: «Adımnar» polilingwal mäktäbeneñ 8 «E» sıynıfında

Instagram akkauntı: @nariman.vildan_

«Sälät» oeşması berkönne «Sämrux» premiyalären tarattı. «El sälkeşe» nominatsiyasendä älege premiyagä 8 sıynıf ukuçısı Nariman Wildanow laek buldı. Nariman niçä sum premiya algan? Anı närsägä totaçak? Premiyane alu öçen ul närsälär eşlägän? Üzennän soraştık.

– Nariman, ciñgäneñne belgäç, nindi xislär kiçerdeñ?

– Ciñüçeneñ kem ikänen, bez – finalistlar säxnägä çıgıp baskaç gına äyttelär. Ciñgänemne belgäç bik şatlandım, äle ul xislär tamaşaçıga da tarala. Başta ciñgänemä ışanıp betmägän idem. Xäzer monı kabul ittem: el däwamında eşlängän eşlär näticäse ikänen añlıym.

– «El sälkeşe» bulu nilär eşlärgä kiräk?

– Sälkeş tirä-yaktagı keşelärgä impuls cibärä. Anıñ tabigate şundıy. «Kiräk», «tieş» dip kenä alay buldırıp bulmıy.

– Älege bäygegä niçek äzerländeñ?

– Äzerlek el däwamında bardı. Törle intellektual, sport, sängat, küñel açu çaralarında, fän olimpiadalarında, «Sälät» proektlarında aktiw katnaştım.

 Nindi büläklär birdelär?

–  Büläklär bik kıymmätle buldı. Ingliz tele kurslarında uku mömkinlege, tatar teatrlarına çakıru biletları, çülmäk yasau ostaxanäsenä çakıru häm akçalata premiya tapşırıldı. 

– Ul premiyane närsägä totarga cıenasıñ?

– Premiyane belem arttıruga, ukuga totaçakmın.

– Tagın nilär belän şögıllänäseñ?

– Bıel bayan buença sängat mäktäben tämamlıym, kızıl diplom alasım kilä. Karate buença «kara» bilbauga kandidat min, Rossiya çempionı.

Awtor: Zilä Sabitowa
Tulırak: yalkyn.ru/news/bu-tema/el-slkeshe-nariman-kirk-dip-ken-alay-buldyryp-bulmyy


Wozwrat k spisku