Кто стал обладателем премии «Cамрух-2020»?

1 09.03.2021

«Sälät» dönyasında iñ kötep alıngan tantana uzdı. Nihayat, 2020 elnıñ iñ yaxşı äydämanı häm sälkeşe bilgele buldı. Alay gına da tügel, «Sämrux-2020» Respublikaküläm sälätle balalar häm yaşlär premiyasendä 13 nominatsiya ciñüçeläre iglan itelde.

2015 eldan başlap, «Sälät» yaşlär ictimagıy fondı Tatarstan Xökümäte yardäme belän aktiw balalarnı, yaşlärne, ostazlarnı, alannarnı, «Sälät» klubların «Sämrux» el premiyase belän büläkli. Kiçä «Piramida» mädäni-küñel açu üzägendä premiya tapşıru tantanası uzdı.
Bıel katnaşuçılardan barlıgı 90 gariza kabul itelgän, şularnıñ 70en saylap, 64 keşe finalga ütkän. Nominatsiyalärgä kilgändä isä, bıel alar 13 ide. Şular arasında «El initsiatiwası» digän ör-yaña nominatsiya dä östälgän. Anda töbäk «Sälät» klubları häm «Sälät aktiwı» mäktäbe proektları bäyalängän. Älege nominatsiyadä Renata Şäripowa häm anıñ «Çeltär» media mäktäbe proektı ciñü yauladı.

«Sälät» berläşmäse üseşenä zur öleş kertkännäre öçen maxsus «Sälät stipendiyase» belän Läysän Zäynullina häm Ayaz Xänäfin büläklände.
«Sälät» yaşlär üzäge direktorı Aygöl Gabdraxmanowa 2020 elnıñ «Sälät» öçen bik bay häm uñışlı el buluın äytte.

Bıel «El äydämanı» – Zölfiya Xäsänowa, «El ölkän äydämanı» – Dilärä Xaewa, «El direktorı» – Ayaz Xänäfin, «El kuldaşları» – Aygöl Şakirowa häm Daniyar Galiew, «El klubı – «Sälät-Tübän Kama», «El sälkeşe» Nariman Wildanow buldı.
El däwamında äzerlek, smena barışındagı tırış xezmät, balalarnıñ şat yözläreneñ näticäse bularak «El alanı» nominatsiyasendä ciñüne «Sälät-Saba» alanı yauladı.
«Sälät cırlıy» nominatsiyasendä Dinä Wäliewanıñ «Ruxi yöräk» cırı iñ laeklısı itep tabıldı. Ciñüçelärgä diplomnar, «Sälät» partnerlarınnan istälekle büläklär häm fund.selet.biz kraudfanding platformasında tuplangan akçalata prizlar tapşırıldı.
«Forum başcitäge ul – berençe çiratta, cıyuçı, nıgıtuçı häm üz eşeneñ ostası. El başcitäge turında söyläsäk, ul – härwakıt üseşkä omtıluçı, üz ürnägendä üsterüçe häm şul uk wakıtta üzennän olırak ostazlardan ürnäk alıp üsüçe. Bu elgı ciñüçedä, älbättä, bu sıyfatlar bar», – dip «Forum başcitäge» nominatsiyase ciñüçesen iglan itte «Sälät»neñ unınçı prezidentı Igor Smirnow. Bıel isä bu isemgä Liliya Äkbärowa laek buldı.

«El partnerı» nominatsiyasendä «Aznakay» sanatoriy-profilaktorie häm anıñ baş tabibı Röstäm Däülätşin, Rossiyaneñ maktaulı energetigı, «Ilfa» CÇC direktorı Fänir Galimow
büläklände.
«El ostazı» iseme bıel Tatarstannıñ xalık artistı Rimma Ibrahimowaga birelde.
«Sämrux-2020» el premiyase «Sälät»kä genä xas cılı moxittä uzdı. Därtle cırlar, ixlas kotlaular, räxmät süzläre, kabatlanmas xis-kiçereşlär… barısı da älege kiçädä ide.
«Sälät» moxitendä ber-berebezne toya belü – köç, därt, kuät birä torgan zur energiya. Kemder, minem öçen «Sälät» ul – yaşäü räweşe, dip äytä, minem öçen ul – fikerläü räweşe. Menä şul berdämlektä, traditsiyalärdä, yañarışka omtılışta çın «Sälät» tibränä», – dide Tatarstan yaşlär eşläre ministrınıñ berençe urınbasarı Timur Söläymanow.

Awtor: Läysän SAFINA
Tulırak: https://vatantat.ru/2021/02/47743/


Wozwrat k spisku