Рустем Минниханов встретился с участниками форума «Сәләт»

Bügen  Röstäm Miñnexanow Alekseewsk rayonınıñ Bilär awılında «Sälät» X Xalıkara yaşlär belem birü forumında katnaşuçılar belän oçraştı. Anı Tatarstan Yaşlär eşläre buença ministrı Damir Fättaxow ozata yörde, dip yaza Prezidentnıñ matbugat xezmäte

«Sälät» forumı tatar telen häm milli goref-gadätlären saklau eşendä möhim urın alıp tora, dip assızıkladı Röstäm Miñnexanow. Bu missiya Tugan tellär häm xalık berdämlege elında aeruça aktual. «Bu izge cirdä çirattagı oçraşuıbızga bik şatmın. Küp ellar däwamında «Sälät» xäräkäte meñlägän talantlı yaşlärne berläşterä. Bez keçkenä genä palatkalı lagerdan başladık, ä bügen bu böten kiräkle şartlar bulgan tulı kıymmätle yaşlär şähärçege», — dide Prezident.

Röstäm Miñnexanow  forumda katnaşuçılarnıñ barısın da üz sälamätlekläre turında kaygırtırga häm koronawiruska karşı çaralarga igtibarlı bulırga çakırdı.

27 el eçendä «Sälät» berläşmäseneñ fänni-belem birü, icadi häm sotsial-rekreatsiya proektları sisteması aşa Tatarstan Respublikasınnan, şulay uk Rossiyaneñ başka subektlarınnan häm çit illärdän 195 meñgä yakın bala häm yaşlär uzdı. Forumda katnaşuçılar arasında talantlı mäktäp ukuçıları, yugarı häm urta uku yortları ukuçıları, respublika fän olimpiadalarında, icadi konkurslarda, smotr-festiwallärdä, sport yarışlarında, fänni konferentsiyalärdä ciñüçelär häm katnaşuçılar, tanılgan fän, mädäniyat, sängat eşlekleläre häm cämägat eşlekleläre bar.

Bıel forum 15 meñgä yakın katnaşuçını cıyaçak. Sanitar-epidemiologik wäzgıyattän çıgıp, 9 meñ bala forumda onlayn-rejimda, ä oflayn — 6,4 meñ keşe katnaşaçak.

Bıel barlıgı altı «Sälät» smenası uzaçak. Gadättägeçä, forum kısalarında katnaşuçılar öçen tatar telle moxit buldırıla. Şul uk wakıtta mäglümat rus häm ingliz tellärendä dä kabatlana.

Rospotrebnadzor taläpläre buença, smenada eşläyaçäk keşelär PTsR-testlar tapşıra, ä obektlarda şäxsi saklanu çaraları kullanıla.

Tulırak: https://vatantat.ru/2021/07/58888/