На форуме «Сәләт» дети изучают тренды IT - мира

Bilärdä   Mäglümati texnologiyalär Bilär Forum (Informatsionnıe texnologii / Information Technologies)  smenası däwam itä. Bu elda yaña künekmälär buença 50  spiker ukıta. Smena kısalarında balalar üz uennarın buldırırga öyränälär; proekt eşe, biznes nigeze, industriyadä üseş rregı, testlauçı hönäre, kwant kompyuterları, dizayn häm brending, biznesta prezentatsiyalär, programmalaştıru telläre, IT kommunikatsiyaläre häm başka küp närsälär turında belälär.

Teoretik belemnär alu belän bergä, katnaşuçılar üzläreneñ belem häm künekmälären  Rossiyaneñ IT-sfera  ekspertları belän praktikada nıgıtalar. Balalar öçen el saen 5 köngä suzılgan 20 belem birü sessiyase ütä.

IT ölkäsendäge yaña instrumentlar häm mömkinleklär turında brend-arxitektor, SEO häm «Adekwat keşelär» brending-studiyaseneñ  icadi citäkçese Wladislaw Rudowskiy, Skypro produktı buença direktor Aleksandra Perfilowa, Yandeks metodik komandası citäkçese söyläde. Innowatsiyalär häm korporatiw üseş buença IT-park direktorı urınbasarı Röstäm Yunısow çıgış yasadı.

Wladislaw Rudowskiy:

Bügenge köndä IT – tormışnı, biznesnı  äydäp baruçı ölkä.  Anda başka ölkälärgä  karaganda     perspektiwalar   bik   yugarı.  Ul  intellektual, tanıp belü, sotsial texnologiyalär, şul isäptän breding  texnologiyaläre kiläçäge.  Xäzer üz auditoriyañä, inwestorlarıña, partnerlarıña täesir itä belü möhim faktor. Bezneñ tormışıbız eş kına ber möhim süzgä bäyle. Min balalarnı näk menä şundıy süzlärgä öyrätergä kildem. 

Forumda katnaşuçılar bik aktiw, açık häm belemgä omtıluçan.  Kütärelgän kullar  häm täkdimnär diñgezen kürü – üze zur bäxet.  «Sälät»tä mädäniyat häm  fän berläşkän. Tatarstanga kilgän saen şakkatam häm soklanam: monda belem häm fän milli üzençälekkä äylängän. 

 Aleksandra Perfilowa:

«Sälät» –  minem öçen unikal töşençä. Forum mäydançıgında min balalarga  startaplar yasarga yardäm itäm.   Minem öçen iñ möhime – iñ kızıklı, gadäti bulmagan ideyalär uylap tabarga  häm alarnı prezentatsiyalärgä öyrätü.  Treninglar   yardämendä   bez   icadi, komanda, cämägat künekmälären eşlibez. Ägär spiker däres üzägendä bulsa, balalarnıñ igtibarın cälep itü awır. Ägär töp igtibarıñ balalarda bulıp, alarga töp rolne birgändä, alar protsessta katnaşuçılar gına tügel, ä töp geroylarga äylänälär.

Roman Lewin:

Närsä ul neyroçeltär,  anıñ nindi törläre bar,  alar belän niçek eşlärgä – minem lektsiyalär şul soraularga cawap birügä yunältelgän.   Balalarga añlaeşlı teldä neyroçeltärneñ magiya tügel, ä alar  faydalanırga mömkin bulgan instrument ikänlegen citkerü möhim.

 Neyroçeltärlär – ör-yaña  belem.   Ägär ul bügen  kızık toelmasa,  berniçä eldan bik küplär anıñ belän kızıksına başlayaçaklar.  Barısınnan da elek neyroçeltärlär mäglümat citkerü belän bäyle barlık hönärlärgä (belem birü, marketing, reklama, tekstlar häm stsenariylar äzerläü, dizayn)   kilep keräçäk.  

Röstäm Yunısow:

Bügen proektlarnı finanslauga cälep itelgän mömkinleklär küp. «Studentlar startabı» programması kısalarında proektnıñ alga taba üseşe öçen birelä torgan 1 mln sumnı Tatarstannan  250 yaña proekt ottı. Yagni ber sägattä 250 millioner barlıkka kilde, ä uzgan elda 60 ciñüçe ide.

Mäktäp balaları öçen  « Bir bişne»  dip atalgan, texnologik eşmäkärlek  üseşenä yunältelgän respublika konkursı bar. Anıñ  yardämendä bez balalar belän bernindi  programmalaştıru künekmälärsez, nuldän başlap  proekt tözergä öyränäbez.  Bıel mäktäp ukuçılarınnan 1000 proekt kabul ittek.

IT ölkäsendä eşläü öçen, berniçä sıyfatnı üzeñdä buldırırga kiräk. Alar:   tırışlık häm kızıksınuçanlık häm komandada eşli belü.

Çıganak: https://minmol.tatarstan.ru/tat/index.htm/news/2220139.htm