«Сәләт»ле җәй - 2024» тәмам!

17nçe awgust. Irtänge sägat dürttä torıp, duslarım belän elektriçkaga utırıp, Şämärdännän Kazanga yul tottık. Isän-sau gına kilep, «Ak Bars Arena»ga kuzgaldık. Anda inde sälkeşlär dä, başcitäklär dä cıela başlagan ide. Bernikadär wakıt uzgaç, «Sälät – Iske Kazan» cıenı territoriyasenä kuzgaldık. 
Çaranıñ açılu tantanasına Tatarstan Respublikası yaşlär eşläre ministrı urınbasarı Aygöl Sabirowa kilgän ide. Ul katnaşuçılarga üzeneñ matur teläklären citkerde.
Açılıştan soñ «Milli hönärlär» dip atalgan ostaxanälärgä taralıştık. Uku-ukıtu programması tatar mädäniyatenä çumudan, xalkıbıznıñ tarixın öyränüdän, şulay uk tormışnıñ törle ölkälärendä tatar telen kullanu künekmälären üzläşterüdän gıybarät ide. Şäxsän üzem tatar kontentı buldıru, tatar yortınıñ häm tatar çäeneñ üzençäleklären öyränügä bagışlangan däreslärdä buldım. Kıska gına wakıt aralıgında çakırılgan kunaklarıbız kızıklı ostaxanälär ütkärdelär.

Cıen territoriyasendä xätta ki yarminkä dä oeştırılgan ide! Anıñ kısalarında çakırılgan partnerlar üz eşlänmälären, produktsiyalären täkdim ittelär. Tatar milli ornamentlı kiemnär, matur-matur aksessuarlar häm başka küp törle äyberlär kuelgan ide satuga. Bez dä çittä kalmadık – dus kızlarım belän zäwıklı yözeklär alıp cibärdek.
Töşke aştan soñ «Saban tue» milli bäyrämenä birnä cıyu ütkärelde, häm traditsion räweştä bäyräm başlanıp kitte. Kapçıkta sikerü, tayak tartışu, katıktan tien akça tabu, çülmäk watu häm başka bik küp kızıklı uennar oeştırıldı.
«Bu zur bäxet tügelme?..» icadi kontsertı da härkemneñ küñelenä xuş kilde. Iskitkeç matur nomerlar olısın häm keçesen biette dä, cırlattı da. Kontsert axırında isä katnaşuçılarga üzeneñ matur cırların yaş cırçı kız – AliyaNur büläk itte. 
Şulay itep, «Sälät-Iske Kazan» cıenınıñ yabılu tantanası wakıtı da kilep citte. Älämnär töşerelde, sälkeşlär öylärenä taralıştı. Tatar xalkınıñ tarixın barlau, tugan telebezne üsterü, mädäniyatebezne tanıtuga yunälderelgän proekt däwamlı bulsın ide digän teläktä kalam! 
Azaliya Miftaxowa, 
Saba rayonı, Ezmä mäktäbe.

Tulırak: https://chelny-rt.ru/news/yaa-san/salatle-ai-2024-tamam?ysclid=m2a6q19uzg519954105