ARTS BILER FORUM. Icat dönyasına räxim it! ← kire kaytirga

3–8 iyul könnärendä Bilär däülät tarixi-arxeologiya muzey-tıyulıgı territoriyasendä XI Xalıkara «Sələt» yaşlər uku-ukıtu forumınıñ ARTS BILER FORUM (Icat/Tworçestwo) smenası uzaçak. Garizalar kabul itüne başlıybız!

Smena 2018 nçe eldan birle oeştırıla, Tatarstan Respublikası Prezidentı Röstəm Nurgali ulı Miñnexanow yomışı häm yardəme belən ütkərelə.

Forumnıñ töp maksatı – sələtle balalarnıñ, yaşlərneñ, ostazlarnıñ muzıka, biyu həm teatr səngate ölkəsendə icadi potentsialın açu, üsterü, gaməlgə aşıru mäydançıgın buldıru.

Muzıka, biyu, teatr – şuşı 3 yunäleş buença eş alıp barıla. Katnaşuçılar icat laboratoriyalərendä şögıllänä, belgeçlär belän aralaşıp, alarnıñ fikerlären häm täkdimnären işetä, üz sälätlären kürsätä, başka katnaşuçılar həm ekspertlar belən hönäri elemtälär buldıra alaçak. Şuşı maksattan, forumnıñ uku-ukıtu programması nigezendä bıel da här yunäleş öçen (härber yunäleşneñ üz ekspertları) beryulı berniçä icadi laboratoriya eşli. Anda katnaşuçılar Forumda saylap alu näticäläre aşa alına.

Bu elnıñ töp yañalıgı — forumda katnaşuçılarnıñ citäkçeläre öçen uku-ukıtu programması karalgan.

Forumda katnaşu şartları:

Aerım başkaruçılar da, kollektiwlar da katnaşa ala. Katnaşuçılarnıñ yaşe — 12–22 yaş. Forumda katnaşu öçen www.selet.biz saytında bilgeləngən ürnəktəge gariza tutırılırga tieş. Icadi nomernıñ (här yunäleş öçen dä) həm spektaklneñ (teatr yunəleşe öçen) wideoyazmasın cibərergə kirək. Monıñ öçen wideonı YouTube, Google Disk yaisə başka internet çeltärlärendä urnaştırırga həm anıñ sıltamasın garizada kürsətergə kirək.

Forum 3 etapta ütkärelä:

1 nçe etap – «Katnaşuçılardan garizalar kabul itü»: 2022 nçe elnıñ 5 nçe aprelennən 14 nçe maena kadər.

2 nçe etap – «Çittən torıp saylap alu etabı»: 2022 nçe elnıñ 20 nçe maennan       30 nçı maena kadər. Espertlar komissiyase Forumga katnaşuçılarnı tapşırılgan gariza, anda kürsətelgən kazanışlar həm wideoyazmalar nigezendäge konkurs näticäsendä saylap ala.

3 nçe etap – «Töp etap. Forumda katnaşu»: 2022 nçe elnıñ 3 nçe iyulennən 8 nçe iyulenə kadər. Forumnıñ uku-ukıtu häm mädäni programmalarında katnaşu: ostaxanälär, treninglar, icadi oçraşular, tügäräk öställär, icadi laboratoriyalär häm laboratoriyalärneñ näticäse bularak gala-kontsert. Forum kısalarında katnaşuçılarnıñ citäkçeläre öçen uku-ukıtu programması karalgan.

ARTS BILER FORUM-nıñ ütkärelü tärtibe, şartları häm nigezlämäse belän biredä tanışa alasız. NIGEZLÄMÄ