Icat Bilär Forum garizalar kabul itä! ← kire kaytirga

2 - 6 iyul könnärendä Bilär tarixi-arxeologik muzey tıyulıgı territoriyasendä uzaçak XIV Xalıkara yaşlär uku-ukıtu forumınıñ ikençe smenası - Icat Bilär Forumga garizalar kabul itü kampaniyasenä start birelde!

2018 eldan başlap, Tatarstan Respublikası Räise Röstäm Nurgali ulı Miñnexanow yardäme belän uzdırıluçı smenanıñ programması üz eçenä zamança belem birü formatların, mädäni çaralarnı häm TR häm RF ekspertları belän tematik laboratoriyalärne ala.

Iñ icadi smena 3 yunəleş: biyu, muzıka, teatr buença ütkərelə. Icat Bilär Forumda solo başkaruçılar da, kollektiwlar da katnaşa ala. Katnaşuçılarnıñ yaşe: 14 tən 22 yaşkə kadər.

Forum 3 etapta ütkärelä:

1 nçe etap – «Katnaşuçılardan garizalar kabul itü»: 10 nçı apreldən 26 nçı mayga kadər.

2 nçe etap – «Çittən torıp saylap alu etabı»: 5 nçe iyunnän 9 nçı iyungä kadər. Ekspertlar komissiyase katnaşuçılarnı forumga tapşırılgan gariza, anda kürsätelgän kazanışlar həm wideoyazmalar nigezendə saylap ala.

3 nçe etap – «Töp etap. Forumda katnaşu»: 2 nçe iyuldən 6 nçı iyulgə kadər. Treninglar, icadi oçraşular, tügərək östəllər, belem birü ostaxanäläre, icadi laboratoriyalərdä katnaşunı üz eçenä ala.

Forumnıñ ikençe smenasında yañalık bularak katnaşuçılarnıñ citäkçeläre öçen maxsus «Ostaz» proektı ütkäreläçäk. Programmanıñ maksatı - wokal, biyu, teatr kollektiwlarınıñ häm başkaruçılarnıñ citäkçeläre öçen alarnıñ professional häm şäxsi kompetentsiyalären üsterügä häm üzara täcribä almaşularına yunälderelgän uku-ukıtu mäydançıgı buldıru.

Icat Bilär Forumnıñ tärtibe häm şartları turında tulırak nigezlämädä tanışırga mömkin.

Forumda katnaşu buşlay.