Säläteñne kürsäter wakıt! ← kire kaytirga

«Sälät – mömkinleklär moxite» digän gıybarä härkemgä tanış. Sälät, çınnan da, zur mömkinleklär birä: yaña belemnär tuplarga, alarnı üsterergä, üzeñne tabarga, säläteñne häryaklap açarga. Cäyge alannarda gına tügel, el däwamında klublar eşçänlegendä, kızıklı häm faydalı proektlarda katnaşıp, yaşlär üseş yulların däwam itä. Ädäbiyatka, muzıkaga bitaraf bulmagan, äsärlär icat itüçelärne berläştergän şundıy proektlarnıñ berse – Respublikaküläm Röstäm Bikmullin isemendäge yaşlär cır-şigriyat «BikaFest» festiwale. Ul Tatarstan Respublikası yaşlär eşläre ministrlıgı yardäme belän «Sälät» Klubı häm «Sälät» Tatarstan respublika yaşlär ictimagıy fondı tarafınnan egerme berençe el rättän oeştırıla.

2001-nçe eldan alıp, bügenge köngä kadär festiwal icatka sälätle balalarnı yaştän barlau, sälätlären, mömkinleklären açu öçen kiräkle şartlar buldıru, alar belän maksatlı räweştä häm daimi eşläü, alarnıñ problemalarına däülät organnarı häm cämägatçelek igtibarın cälep itü, sälätle balalarnıñ häm yaşlärneñ dustı, fikerdäşe, yaşlär liderı, metsenat awtor-başkaruçı Röstäm Bikmullinnıñ istälegen mäñgeläşterü burıçlarnı kuep, alarnı tormışka aşırıp kilä.

«BikaFest» ike etapta ütkäreläçäk:

1-nçe etap – garizalarnı kabul itü häm katnaşuçılarnı çittän torıp portfoliolar nigezendä saylap alu. Ul 3-nçe oktyabrdän 3-nçe noyabrgä kadär uzaçak.

2-nçe etap – katnaşuçılarnı konkurs nigezendä saylap alu.

Berençe etap näticäsendä katnaşuçılar ikençe etapka – konkurska çakırıla. Ul 11-nçe noyabr könne «Yoldızlı» BSA (Laeş rayonı, Troitskiy bistäse) uzaçak. Konkurs näticäsendä 12-nçe noyabr könne festiwalneñ Gala-kontsertı bulaçak. Anda «BikaFest» ciñüçeläre tantanalı räweştä büläklänäçäk.

Agımdagı elnıñ töp yañalıgı – festiwaldä katnaşuçı icadi kollektiwlar häm aerım çıgış yasauçılarnıñ yaşen 12-dän alıp 25-kä kadär kütärü. Alar muzıkal häm ädäbi yunäleşlärneñ törle nominatsiyalärendä yarışa ala.

Muzıkal yunäleş nominatsiyaläre:

1. iñ osta awtor başkaruçı

- 12-dän 15-kä kadär;

- 16-dan 25-kä kadär;

2. iñ osta kollektiw-başkaruçı

- keçe forma (duet, trio);

- ansambl;

3. tatar xalık cırın iñ osta başkaruçı

- 12-dän 15-kä kadär;

- 16-dan 25-kä kadär;

4. tatar kompozitorlarınıñ akademik äsären iñ osta başkaruçı

- 12-dän 15-kä kadär;

- 16-dan 25-kä kadär;

5. tatar cırı stilizatsiyase

- 12-dän 15-kä kadär;

- 16-dan 25-kä kadär.

Ädäbi yunäleş nominatsiyaläre:

1. üz äsären iñ osta yattan ukuçı (şigır, proza, ädäbi-muzıkal kompozitsiya)

- 12-dän 15-kä kadär;

- 16-dan 25-kä kadär;

2. başka awtor äsären iñ osta yattan ukuçı (şigır, proza, ädäbi-muzıkal kompozitsiya)

- 12-dän 15-kä kadär;

- 16-dan 25-kä kadär.

Konkurska törle xarakterda, tatar telendä bulgan ike äsär äzerläü zarur. Çıgış yasau wakıtı – dürt minut. Festiwalneñ kazıylar şurası konkurs nigezendä Gala-kontsertnıñ katnaşuçıların bilgeli.

Oeştıru komitetı Sälät Yortında (Kazan, Ostrowskiy ur., 23-nçe yort) urnaşkan. Elemtälär öçen telefon: 8 (843) 292-16-00. Eş sägatläre: 9:00-18:00.

Garizalar barı tik 3 noyabrgä kadär genä kabul itelä.

Tulırak mäglümat NIGEZLÄMÄdä!