18-19 nçı dekabr könnärendä Sälät Yortında «Tel» Xakatonı uzdı. Ul mäglümati texnologiyalär ölkäsendä tatar telen saklau häm üsterü öçen kuşımta häm serwislar buldıruga yunälderelgän.

Komandalar ike kön däwamında täkdim itelgän treklar buença üz proektların äzerläde. Yomgaklau prezentatsiyasendä mäktäp häm studentlar komandalarınnan yaklauga 10 proekt çıgarıldı. Xakatonda katnaşuçılar Kazan, Innopolis, Osinowo bistäse, Bögelmä häm Saba rayonnarınnan kilde.

Studentlar ligası ciñüçeläre:
- «Koka-kola w steklyannoy butılke» (KFUnıñ Isäpläü matematikası häm mäglümat texnologiyaläre institutı)
- «Kiläse tuktalış – Ämät stantsiyase» (KFUnıñ Isäpläü matematikası häm mäglümat texnologiyaläre institutı)

Komandalar 35 000 sumlık akçalata sertifikatlar belän büläklände.

Mäktäp ligası ciñüçeläre:
1 urın – «In Team» («Innopolis litsee»)
2 urın – «Gena Gorin» ( KFUnıñ «IT-Litsey»)
3 urın – «Komanda» häm «I — Tea» (MTsK — KTITiS, «Rost» Şämärdän litsee)

Komandalar 25 000, 20 000 häm 10 000 sumlık akçalata sertifikatlar belän büläklände.

Iñ yaxşı proektlar dip:
- YouTube wideolarına tatarça subtitrlar östäüçe bot, 
- Tatar telen öyränü öçen «Yalkın» interaktiw uenı
- Tatar telen öyränü öçen Telegram-bot, Alisa häm mobil kuşımtadan torgan krossplatformalı serwis tabıldı. 

Ciñüçelärne kotlıybız häm kiläçäktä dä uñışlar telibez!