«Xis-kiçereşlär belän eşläü, stresska karşı köräş häm komanda belän xezmättäşlek» - bıelgı «Cälät» forumında Soft Skills ← kire kaytirga

Bu könnärdä Bilärdä XI Xalıkara «Cälät» yaşlär uku-ukıtu forumınıñ öçençe smenası - Cotsial künekmälär Bilär Forum (Sotsialnıe nawıki /Soft Skills) uza.

Bıel uku-ukıtu sessiyaläre kiläçäktä hönäri dairädä uñışka ireşü öçen möhim sotsial künekmälär - Soft Skillska bagışlangan. Alar arasında: proekt komandalarında eşläü, caylaşu, emotsional intellekt, stresska çıdamlık häm başkalar. Smena kısalarında Tatarstannıñ aldıngı belgeçläre häm biznes-trenerları ostaxanälär ütkärä.

Bu elnıñ iñ kızıklı temaları turında bez WorldSkills Tatarstan xäräkäte psixologı Elwina Babaewa, biznes-trener Dinä Arzamastsewa häm Soft Skills ambassadorı Anastasiya Belomıttsewa belän aralaştık.

Elwina Babaewa proekt komandalarında eşläü häm daimi räweştä yaña eş şartlarına yaraklaşa belüneñ möhimlege turında däres ütkärde.

«Xäzer küplär gadi ofistagı eş belän şögıllänmi, ä proektlarga küçä. Proekt komandalarında eşlägändä berençe urınga yaña keşelär belän urtak tel tabu, wakıtka sıeşa belü häm maksatka ireşü künekmäläre çıga. Bügen bez balalar belän älege künekmälärne üsterdek», - dip urtaklaştı Babaewa.

Spiker katnaşuçılar belän eşlägän künegülär turında söyläde.

«Bez balalar belän, törkemnärgä berläşep, tikşerenülär ütkärdek häm kemneñ närsä belän mawıguın açıklau öçen ber-berebez belän aralaştık. Annarı bez zur bulmagan proekt yasadık, anıñ kısalarında katnaşuçılar ber-berse belän üzara xezmättäşlek itä häm, näticäle itep, rollärne bülä ala ide. Balalar ideyalär turında aktiw fiker alıştılar häm burıçnı uñışlı başkarıp çıga aldılar. Näticädä katnaşuçılar ber-bersenä üz kiñäşlären birdelär häm iñ yaxşı ideyalärne maktadılar», - dip östäde ul.

Dinä Arzamastsewa sälkeşlär belän emotsional intellekt häm xislär östendä eşläü turında söyläşte.

«Emotsional intellekt töp un Soft Skillska kerä häm xis-kiçereşlärne tanu, alar belän idarä itä belü öçen cawap birä, östäwenä, bu bezneñ xis-kiçereşlärgä genä tügel, çit keşelärnekelärgä dä kagıla.

Balalar belän bez nindi xis-kiçereşlär barlıgı, alarnıñ toygılardan aerması närsädä ikänlege turında söyläştek häm beraz bu temanı tiränten öyränü tarixına çumdık», - dip söyläde Arzamastsewa.

Spiker süzlärençä, ostaxanädä balalar kiçergän xis-kiçereşlären terkäp barırga häm alar belän eşlärgä öyrändelär, ä annarı sälkeşlär faydalı layfxaklar belän urtaklaştılar.

«Mäsälän, bez açu çıgunıñ säbäplären öyrändek, anıñ belän eşlädek häm barıbız bergä, ul yarsuga äwerelmäsen öçen, nişlärgä kiräklegen uyladık.

Däres axırında bez balalar belän xis-kiçereşlärne ciñärgä yardäm itüçe layfxaklarıbız belän urtaklaştık. Sälkeşlärneñ berse bik kızıklı wariant täkdim itte - bilgele ber stresslı xälgä kiläçäk küzlegennän kararga - äytik, 10-15 eldan soñ sez aña niçek karar idegez.

Ä min üz ısulım turında söylädem. Sezne xis-kiçereşlär şaukımı basıp alsa, barlık biş sizü organıgıznı kabızıp karagız. Mäsälän, awızdagı tämne tatıp, nindi töslär çolgap alganın karap, tawışlarga kolak salıp h.b.», - dip urtaklaştı spiker.

Anastasiya Belomıttsewa balalar belän tirälekkä caylaşu künekmäsen üsterergä tırıştı häm tiz üzgärüçän dönya şartlarına yaraklaşunıñ möhimlege turında söyläde.

«Minem forumga, spiker bulıp, inde berniçä tapkır kilgänem bar şuña, kurıkmıyça, Cälät - dürtençe el rättän minem mäxäbbätem, dip äytä alam. Sälkeşlär belän bez zamana, anıñ üseş tendentsiyaläre häm yaña şartlarga tiz arada caylaşa belüneñ möhimlege turında fiker alıştık», - dip söyläde ul.

«Bez sälkeşlär belän spagettidan manara tözedek, ä min daimi räweştä alarga tözeleşneñ yaña şartların östäp tordım. Şulay uk bez maxsus wizual tabışmaklar - «drudlı» çiştek häm telegram-botta caylaşu üseşenä bagışlangan kwest uzdık», - dip östäde Belomıttsewa.