Röstäm Miñnexanow: «Respublikabıznı, millätebezne alga alıp barırga nasıyp bulsın!» ← kire kaytirga

Bügen Tatarstan Respublikası Prezidentı Röstäm Miñnexanow  X Xalıkara «Cälät» yaşlär uku-ukıtu forumınıñ dürtençe smenası – MEDIA BILÄR FORUMga kilde. Anıñ belän bergä forum cirlegenä Tatarstan yaşlär eşläre ministrı Damir Fättaxow ta kilde.

Prezident «Cälät» Forumı milli traditsiyalär häm tatar telen saklap kalu eşendä zur rol uynawın bilgeläp ütte. Bıel Tugan tellär häm xalıklar berdämlege elında bu mäsälä aeruça aktual. «Bu izge cirdä oçraşuıbızga bik şatmın. Sälät keçkenä genä palatkalardan başlandı, xäzer isä barlık mömkinlekläre dä bulgan tulı ber şähärçekkä äylände. Kiläçäktä dä şulay bergä bulıgız! Respublikabıznı, millätebezne alga alıp barırga nasıyp bulsın!», – dide Röstäm Miñnexanow.

MEDIA BILÄR FORUM 14-18 iyul könnärendä ütä. Sotsial mediaresurslar belän eşläü öçen kiräkle bulgan aktual instrumentlarga bagışlangan smena 6 yunäleşne kolaçlıy: foto häm wideoprodakşn, sotsial çeltärlärne alıp baru, telewizion jurnalistika, bloging häm podkastlar. Katnaşuçılar arasında Tatarstan rayonnarınnan kilgän sälkeşlär, Saratow, Samara, Swerdlau ölkäse, Orenburg, Kirow, Başkortstan, Ulyannan da kunaklar bar.

Smena barışında «Sälät cıenı» tematik festiwale dä uza. Katnaşuçılar öçen kızıklı mäydançıklar eşli. Mäsälän, «Därtle Sälät» biyu, tik-toklar töşerü ostaxanäse, katnaşuçılar belän tatar cırlarınnan muzıkal djem äzerläüçe «Sälät cırlıy» ostaxanäse, totrıklı üseş maksatları buença uennar uza. Şulay uk «Hönärlär», «Mantıyk» uku-ukıtu laboratoriyaläre, «Icat» häm «Media» icadi laboratoriyaläre eşli. Balalar üzlären «Xäräkättä - bäräkät» sport sessiyase, snuk-boll, futbol dartsı, djenga, boçço, östäl tennisı uennarı buença sport djem-sessiyalärendä sınap karıy ala. Smenada «Bilär» forsayt-sessiyase, forum cirlegen programmalaştıru buença uku-ukıtu sessiyase dä uza.

Tatarstan yaşlär eşläre ministrı Damir Fättaxow süzlärençä, Sälät bügen Tatarstan häm respublikadan çittä yaşäüçe meñlägän talantlı bala häm yaşlär öçen mömkinleklär buldıra.   

«Sälät» Forumı – törle ölkälärdäge täcribä häm ideyalär belän urtaklaşu mäydançıgı. Ul gadäti yaşlär xäräkätennän cämgıyatne sälamätländerü texnologiyasenä äylände. Talantlı balaları, icadi proektları, üz kiemnäre, media üzäge, xätta mäktäbe dä bar! Bu Sälätne Tatarstannıñ iñ köçle brendlarınıñ bersenä äwerelderä», – di Tatarstannıñ yaşlär eşläre ministrı Damir Fättaxow. «Bu el Tatarstanda Tugan tellär häm xalıklar berdämlege elı dip iglan itelde. Ä Sälät digändä härwakıt totrıklılık, telne saklau häm aña karata mäxäbbätne arttıru küz aldına kilä».

«Sälät» yaşlär üzäge direktorı Aygöl Gabdraxmanowa festiwaldä märtäbäle kunaklar katnaşuı söeneçle ikänen bilgeläp ütte. Bigräk tä forumnıñ yubiley elında!  

«Sälät» forumınıñ ekwatorın uzdık. Bu el bezneñ öçen aeruça möhim, çönki Bilärgä kayta başlawıbızga 25, ä cıennarnıñ forum formatında uzdırıluına 10 el! Bezneñ töp maksat – balaga üz-üzen, üz yunäleşen tabarga yardäm itü, şäxes üseşe öçen mömkinleklär tudıru», – di Aygöl Gabdraxmanowa.

«Sälät cıenı» kısalarında Rossiya töbäklärendä genä tügel, başka illärdä yaşäüçe Sälät aktiwistları belän onlayn-oçraşu ütte. Sogud Garäbstanı, Kanada, Çexiya, Awstraliya, Ispaniya häm Kıtayda yaşäüçe watandaşlarıbız Sälät turında istälekläre belän büleşte. Skayp-konfrentsiyadä xäzerge wakıtta Ispaniyadä yaşäüçe Sälät proektları citäkçese Cäüdät Söläymanow ta katnaştı.