Röstäm Miñnexanow: «Cälät tatar telen häm milli goref-gadätlärne saklauga zur öleş kertä» ← kire kaytirga

Bügen Tatarstan Respublikası Prezidentı Röstäm Miñnexanow XI Xalıkara «Cälät» yaşlär uku-ukıtu forumınıñ bişençe smenası - Mäglümati texnologiyalär Bilär Forumda (Informatsionnıe texnologii /Information Technologies) buldı.

«Cälät» forumı tatar telen häm milli goref-gadätlärne saklauda möhim urın alıp tora, - dip assızıkladı Röstäm Miñnexanow. - Bu tema Rossiya xalıklarınıñ mädäni mirası elında aeruça aktual».

«Min forumda zur üzgäreşlär küräm - Cälät alga taba bara. Balalar yaña hönärlär öyränälär, «Adımnar» polilingwal mäktäbendä yaña sıynıflar barlıkka kilä. Bıel Kırımda Cälätneñ yaña bazası barlıkka kilde, ul el äylänäse eşläyaçäk, - dip bilgeläde Röstäm Miñnexanow. - Bolar barısı da telebezne, goref-gadätlärebezne häm mädäniyatebezne saklap kalu öçen eşlänelde. Älbättä, bu yunäleştä «Sälät» xäräkäte zur eş alıp bara. Bez monı bik bäyalibez häm häryaklap sezgä yardäm itäçäkbez ", - dip östäde prezident. Sezgä - yaş buınga - millätebezneñ köçen saklap, anı kiläçäkkä alıp barırga kiräk bulaçak. Sez - bezneñ tayanıçıbız, häm bez sezgä ışanabız».

Smena Bilärdä 27 iyuldän 31 iyulgä kadär uza. Ul mäglümati texnologiyalärgä bagışlangan. Çakırılgan belgeçlär katnaşındagı tıgız uku-ukıtu programması kısalarında katnaşuçılar aldıngı IT-texnologiyalär häm trendlar belän tanışaçak.

TR yaşlär eşläre ministrı Timur Söläymanow bilgeläp ütkänçä, «Sälät» - ul böten Tatarstandagı häm Rossiyadäge meñlägän sälätle balalar el däwamında aralaşu häm üseş programmaları aşa şäxsi häm hönäri üseş mömkinlekläre ala, ber-berse belän tanışa, yaña duslar, ostazlar taba ala torgan mömkinleklär moxite.

«Forum eldan-el zuraya, üseş ala. Zur bulmagan palatkalı lagerdan ul balalarda mädäni kıymmätlär tärbiyaläüçe tulaem uku-ukıtu sistemasına äwerelde. Annan başka bulmıy, - dip bilgeläde Timur Söläymanow. - Rossiya Prezidentı Wladimir Putin boerıgı buença, bu el Rossiya xalıklarınıñ mädäni mirasına bagışlana. Tel xalıknıñ mädäni mirasınıñ möhim öleşe bulıp tora. Forumda tel moxite tudırıp, Sälät tatar telen saklauga häm üsterügä zur öleş kertä. Bu katnaşuçılarnıñ üzara aralaşuında da, radioda häm kiçke çaralarda yañgırauçı muzıkada da çagıla».

«Sälät» yaşlär üzäge direktorı Aygöl Gabdraxmanowa, daimi yañarışlarnıñ möhimlegen assızıklap, forumnıñ kiläçäktäge üseşe turında söyläde.

«Forum formatında bez 2012 eldan birle eşlibez, moña kadär, 1997 eldan başlap, bez «Sälät» festiwale uzdıra idek. 26 el däwamında bez tugan cirebezgä Bilärgä kaytabız. Bezneñ forumnıñ töp burıçı - balalar üseş ala, yaña belem häm künekmälär üzläşterä alırlık moxit buldıru.

El saen bez infrastrukturanı yañartabız, yaña art-obektlar östibez, kızıklı belgeçlär çakırabız, sport uennarı öçen mäydançıklar tözibez. Kiläse elnı bez «Sälät» neñ 30 ellıgın bilgeläp ütäbez, bezne alda yaña däräcälärgä küçüneñ tagın bik küp etapları kötä dip uylıym», - dip assızıkladı Aygöl Gabdraxmanowa.

«Sälät» Xalıkara yaşlär uku-ukıtu forumı 26 iyunnän 8 awgustka kadär Bilär tarixi-arxeologik muzey tıyulıgı territoriyasendä uza.

Forum wakıtında törle yunäleşlärgä bagışlangan altı smena uza: Hönärlär Bilär Forum (Remesla / Junior Skills), Icat Bilär Forum (Tworçestwo /Arts), Cotsial künekmälär Bilär Forum (Sotsialnıe nawıki /Soft Skills), Media Bilär Forum (Media/Media), Mäglümati texnologiyalär Bilär Forum (Informatsionnıe texnologii /Information Technologies) i Liderlık Bilär Forum (Liderstwo/ Leadership).

«Sälät» forumı – Tatarstan Respublikası Prezidentı Röstäm Miñnexanow yardäme belän uzdırıluçı töbägebezneñ yöze bulgan proektlarnıñ berse. Mäglümati texnologiyalär Bilär Forum (Informatsionnıe texnologii /Information Technologies) smenasında 1077 bala katnaşa. Bıel forum Tatarstan Respublikasınıñ barlık rayonnarınnan 6300 balanı häm Rossiya töbäklärennän kilgän watandaşlarnı berläşteräçäk.