«Sälät» - ul kaytası kilgän urın»: Bilärdä «Sälät» forumı tämamlandı ← kire kaytirga

Bilärdä XI Xalıkara «Sälät» yaşlär uku-ukıtu forumınıñ soñgı altınçı smenası - LIDERLIK BILÄR FORUM (LIDERSTWO/LEADERSHIP) tögällände.

Soñgı smena Tatarstan Respublikasınıñ Rossiya mäktäp ukuçıları xäräkäte belän berlektä oeştırıldı, anda ilneñ 12 töbägennän 1000nän artık aktiwist-bala katnaştı.

«Sälät» Rossiya mäktäp ukuçıları xäräkäte belän bişençe el rättän urtak smena ütkärä. Bıel Tatarstanga Rossiya mäktäp ukuçıları xäräkäteneñ ekologiya häm liderlık yunäleşläre wäkilläre kilde: 300 yaş ekolog häm lider dönyadagı iñ kisken problemalar häm alarnı çişü ısulları turında fiker alışunı däwam ittälär, şulay uk aktiw räweştä üz-üzläre häm äylänä-tirä dönya belän garmoniyadä bulırga öyränälär.

Tatarstan Respublikası buença Rossiya mäktäp ukuçıları xäräkäte räise Dinar Safin oeşmalarnıñ küpellık xezmättäşlegeneñ ähämiyate turında söyläde.

«5 el däwamında Rossiya mäktäp ukuçıları xäräkäte häm Sälät iñgä-iñ kuep eşlilär häm Tatarstan yaşläre öçen genä tügel, başka regionnardan kilgän kunaklar öçen dä onıtılmaslık moxit tudıralar. Minemçä, bez akıllı, icadi häm maksatçan yaşlär buını tärbiyalibez. Üzara täcribälärebez belän urtaklaşıp, bez nindider yaña närsä buldırabız häm älege katlaulı eştä, hiçşiksez, uñışka ireşäçäkbez. Sälät – ul härwakıt kaytası kilgän urın», - dip assızıkladı Dinar Safin.

Smenanıñ yabılış tantanasında «Sälät» yaşlär üzägeneñ aktiwistların büläkläü bulıp uzdı. Anıñ üseşenä zur öleş kertkännäre öçen el däwamıda Sälätne aktiw üstergän häm nıgıtkan äydamannar, başcitäk, oeştıru komitetı wäkilläre I, II häm III däräcäle Sälät bilgeläre belän büläklände.

Kiçäneñ räsmi öleşennän soñ icadi kontsert bulıp uzdı. Anda katnaşuçılar üzläreneñ icadi çıgışların kürsättelär.

Cırlarnı akapel başkaruçı «JukeBox Trio» bitboks-törkeme kiçneñ kadagı buldı.

Isegezgä töşeräbez, bıelgı forum altı smenada uzdı. Törle yunäleşlär buença 800gä yakın uku-ukıtu sessiyase ütkärelde, Sälätkä bıel 200dän artık spiker kilde.

Start birüçe smena Hönärlär Bilär Forum (Remesla/Junior skills) ukuçılarnıñ yaña hönärlär öyränüenä bagışlandı häm alarga kiläçäktä üz-üzlären üsterü öçen yaña mömkinleklär açtı.

Ikençe smena Icat Bilär Forum (Tworçestwo/Arts) töp öç yunäleş: biyu, muzıka, teatr buença balalarnıñ potentsialın üsterü öçen unikal mäydançık buldı. Bu elnıñ yañalıgı – kollektiw-katnaşuçılarnıñ citäkçeläre öçen maxsus «Ostaz» uku-ukıtu programması buldıru.

Sälätle balalarnı berläşterüçe öçençe smena - Cotsial künekmälär Bilär Forum (Sotsialnıe nawıki /Soft Skills) traditsion räweştä kiläçäktä hönäri dairädä uñışka ireşü öçen möhim sotsial künekmälär -  Soft Skills temasına bagışlandı.

Dürtençe smena Media Bilär Forum (Media /Media) mediaresurslar belän eşläüneñ zamança ısullarına bagışlandı.

Mäglümati texnologiyalär Bilär Forum