Bilärdä fänni-gamäli konferentsiya uzdı

30 noyabr – 1 dekabr könnärendä «Fänsar» uku-ukıtu üzägendä IX Respublikaküläm «Änwär Xäyri ukuları» yaşlär fänni-gamäli konferentsiyase uzdı. Bilär kalası tarixın fänni öyränügä häm Bilärne dönyaga tanıtuga zur öleş kertüçe, tatar dönyası tarixında cuelmas ez kaldıruçı galim, sälkeşlärneñ Dustı häm Ostazı Änwär Xäyri isemen mäñgeläşterü maksatınnan oeştırıluçı konferentsiya fängä tartılgan sälätle ukuçılarnı häm yaşlärne berläşterde.

Bıel berençe tapkır konferentsiya eşe 2 sektsiya buença oeştırıldı. Fänni-gamäli sektsiyadä katnaşuçılar problemalı-tikşerenü, problemalı-referatiw, problemalı-ezläü eşläre täkdim itte. Älege sektsiyadä ciñügä ireşüçelär:

Abrarowa Yazgöl
Borhanowa Kamilä
Gäräewa Mälikä
Kamaletdinow Arslan
Demyanowa Milana häm Gasimowa Ilwina
Şäyxetdinow Ilfat

Icadi-gamäli sektsiya katnaşuçıları jyuri ägzalarına wideorolik (interwyu, reportaj, wideoklip), şigır häm esse täkdim itte. Bu sektsiya ciñüçeläre dip bilgeländelär:

Gaynullin Danil
Gafurowa Aylin
Gıyläcowa Tañçulpan
Nosowa Adelina
Şäkurowa Güzäliya
Gazizowa Zilä
Galina Madiyar
Däülätşina Ädilä, Moratşin Säfär

Katnaşuçılar kiläse temalar buença fänni xezmätlären täkdim itte:

«Böek Bilär kalası: tarix, bügen häm kiläçäk»;
«Böek Bilär tiräsendäge awıllar tarixı» (tarixi yazmalar, istäleklär, riwayatlär);
«Änwär Xäyri mirası»;
«Min yaratam sine, tugan cirem» (mäktäp tarixı, awıl tarixı, uram tarixı h.b.);
«Gailäm tarixı» (şäcärä, gailä belän bäyle bulgan istäleklär);
Änwär Xayrineñ «Şähre Banu – Şärbän kıyssası» isemle kitabı nigezendä yazılgan dokladlar.

Alarnıñ eşlären märtäbäle jyuri ägzaları bäyaläde. Alar arasında:
şagıyrä, prozaik, tärcemäçe, şigriyat ölkäsendä Sacidä Söläymanowa isemendäge ädäbi premiya laureatı, jurnalistika ölkäsendä Florid Agzamow premiyase iyase, «Tayan Allaga» ädäbi konkursınıñ Gran-pri iyase, «Yoldızlar şulay kuşa», «Akça ilenä säyaxä», «Tämletamak» kitapları awtorı, Sälät «Rauşan» alanı sälkeşe häm äydamanı Alinä Bikmullina; «Cälil ukuları» xalıkara ädäbi konkursı ciñüçese, Tatarstan Respublikasınıñ maxsus däülät stipendiyase laureatı Ilzirä Galimbikowa; «TNW» telekanalı jurnalistı, yazuçı Gölnaz Äxmädiewa; Kazan federal uniwersitetı dotsentı, tarix fännäre kandidatı Ilsur Nafikow; tarix fännäre kandidatı, Rossiya Eçke eşlär ministrlıgınıñ Kazan yuridik institutı däülät-xokuk fännäre kafedrası ukıtuçısı.Lenar Zäynullin; arxeolog, tarix fännäre kandidatı, Idel-Ural töbägeneñ urta gasırlar arxeologiyase buença belgeçe, A.X. Xalikow isemendäge Tatarstan Respublikasının Fännär akademiyaseneñ Arxeologiya institutınıñ urta gasır arxeologiyase bülege mödire, Bilär tarixi-arxeologik häm tabigıy muzey-tıyulıgı direktorı Zöfär Şakirow buldı.

Möxtäräm kazıylarga räxmät xatları, barlık ciñüçelärgä diplomnar häm istälekle büläklär tapşırıldı.

Bilärdä fänni-gamäli konferentsiya uzdı ← kire kaytirga