«BikaFest»nıñ yubiley festiwalenä garizalar kabul itä başlıybız! ← kire kaytirga
Röstäm Bikmullin isemendäge XX Respublikaküläm «BikaFest» yaşlär cır-şigriyat festiwalenä garizalar kabul itelä.
«BikaFest»ta eget häm kızlar cır häm näfis süzgä ostalıgın kürsätä alaçak. Icatka sälätle balalarnı yaştän barlau, sälätlären, mömkinleklären açu öçen kiräkle şartlar buldıru maksatın kuya torgan festiwalneñ bıel yubilee! Festiwaldä icadi kollektiwlar häm aerım çıgış yasauçılar katnaşa. Katnaşuçılarnıñ yaşe: 12dän alıp 22gä kadär.
«BikaFest» ike etapta ütkärelä:
1 nçe etap – garizalar kabul itü häm katnaşuçılarnı çittän torıp portfoliolar nigezendä saylap alu (14 nçe oktyabr – 15 nçe noyabr).
2 nçe etap – katnaşuçılarnı konkurs nigezendä saylap alu (28, 29 nçı noyabr)
Här yunäleş üz eçenä berniçä nominatsiyane ala:
Muzıkal yunäleş:
1. Iñ osta awtor-başkaruçı
- 12-15 yaşkä kadär,
- 16-22 yaşkä kadär;
2. Iñ osta kollektiw-başkaruçı
- keçe forma (duet, trio),
- ansambl;
3. Tatar xalık cırın iñ osta başkaruçı
- 12-15 yaşkä kadär,
- 16-22 yaşkä kadär;
4. Tatar kompozitorlarınıñ akademik äsären iñ osta başkaruçı
- 12-15 yaşkä kadär,
- 16-22 yaşkä kadär;
5. Tatar cırı stilizatsiyase
- 12-15 yaşkä kadär,
- 16-22 yaşkä kadär;
Ädäbi yunäleş:
1. Üz äsären iñ osta yattan ukuçı (şigır, proza, ädäbi-muzıkal kompozitsiya)
- 12-15 yaşkä kadär,
- 16-22 yaşkä kadär;
2. Başka awtor äsären iñ osta yattan ukuçı (şigır, proza, ädäbi-muzıkal kompozitsiya)
- 12-15 yaşkä kadär,
- 16-22 yaşkä kadär;
Berençe etap näticäsendä katnaşuçılar ikençe etapka – konkurska çakırıla. Ul 27 nçe noyabrdä uzaçak. Konkurs näticäsendä festiwalneñ Gala-kontsertı bulaçak. Anda «BikaFest» ciñüçeläre tantanalı räweştä büläklänäçäk.
– «Bıel festiwalgä ütkärelä başlawına – 20 el! Gala-kontsertta katnaşuçılar, gadättägeçä, Sälät Yortında tügel, ä Laeş rayonındagı «Yoldızlı» bazasında çıgış yasayaçak. Konkursantlar şunda berniçä kön torıp, jyuri ägzalarınnan faydalı mäglümat alıp, kızıklı master-klasslarda katnaşa alaçak. Älegä böten serlärne açıp betermibez, läkin bıelgı Gala-kontsert, hiçşiksez, başkalarınnan aerılıp toraçak. Şuña da üzlären şuşı yubiley elında sınap kararga teläüçelärdän garizalar kötep kalabız!» – di proektnıñ koordinatorı Gölnaz Gatina.
Konkurska tatar telendä törle xarakterda bulgan ike äsär äzerläü zarur.
Oeştıru komitetı Sälät Yortında (Kazan, Ostrowskiy ur., 23-nçe yort) urnaşkan. Elemtälär öçen telefon: 8 (843) 292-16-00. Eş sägatläre: 9:00-18:00.
Garizalar barı tik 15 noyabrgä kadär genä kabul itelä.
Tulırak mäglümat NIGEZLÄMÄdä!