Әнвәр Хәйри укулары

2016-nçı eldan Alekseewsk rayonı Bilär kalasınıñ «Fänsar» üzägendä berençe tapkır Änwär Xäyri ukuları uzdırıldı.

Änwär Xäyri gomeren milli mädäniyat, mägarif häm fänne üsterügä, öyränügä bagışladı. Tirän fikerläüçe galim bularak ul mädäniyatneñ kiñ kırlı problemalarına igtibar birde: tekstologiya, milli sängat, folklor, tatar telen, anıñ borıngı çıganakların, kägazdä bilgelängän icadi resurslarnı öyrände.

Berniçä distä ellar däwamında Änwär aga Sälätlelärgä Bilär kalasınıñ faydalı kazılmaları turında däreslär ukıttı. Baksañ, bu däreslär Bagdad posollıgı sekretare Ibn Fadlannıñ yazmalarınnan tatarçaga tärcemälärenä nigezlängän ikän. Änwär Xäyri balalarda Bilärgä, anıñ tarixına, tarixi häykällärenä karata mäxäbbät tärbiyaläde.

«Bez härwakıttagıça nindider ber üzebezneñ küñelebezgä xuş kilgän, akıl bulgan säbäp belän cıelabız. Änwär abıegız Sälätne, sälätle balalarnı kaygırtıp yaşäde. Äle ul gına da tügel, ul sälkeşlärgä Bilär tarixın öyrätüdä zur öleşen kertte. Üze dä öyrände, kiläçäk buınga da citkerergä tırıştı. Izge keşe ide. Bezneñ anı onıtırga xakıbız yuk! Küñelebezdä mäñge yaşär!» – dip cılı xatirälären barladı «Sälät» proektları citäkçese Ädip Älmir.

Konferentsiyaneñ maksatı: 
– Bilär kalası tarixın fänni öyränügä häm Bilärne dönyaga tanıtuga zur öleş kertüçe, tatar dönyası tarixında cuelmas ez kaldıruçı galim, sälkeşlärneñ Dustı häm Ostazı Änwär Xäyri isemen mäñgeläşterü;
- Fänni, ictimagıy eşçänlek alıp bargan galimneñ fänni-praktik eşlärenä karata ukuçılarda kızıksınu uyatu;
- Yaşlärgä häm mäktäp ukuçılarına tarixi-arxeologik ölkägä kagılışlı fänni-praktik eşlärendä yardäm itü.  

1 dekabr - 3 dekabr
«Fänsar» uku-ukıtu üzäge (Bilär kalası, Alekseewsk rayonı)
Katnaşuçılar: Tatarstan Respublikasınnnan, Räsäy regionnarınnan häm çit illärdän 7-11-nçe sıynıf ukuçıları häm yugarı uku yortları häm kölliyatlärdän 1-4 kurs studentları.

Konferentsiya programması tübändäge temalarnı üz eçenä ala: 
          
1. «Böek Bilär kalası: tarix, bügen häm kiläçäk»
2. Böek Bilär tiräsendäge awıllar tarixı (tarixi yazmalar, istäleklär, riwayatlär)
3. «Änwär Xäyri mirası»         
4. «Min yaratam sine, tugan cirem» (misal öçen, mäktäbeñ tarixı, awılıñ tarixı, yaşägän uramıñ tarixı h.b.ş.)       
5. «Gailäm tarixı» (misal öçen, minem şäcäräm, gailäm belän bäyle bulgan istäleklär)
6. Änwär Xäyrineñ  «Şähre Banu – Şärbän kıyssası» isemle kitabı nigezendä yazılgan dokladlar.

Tulırak mäglümatnı nigezlämädä taba alasız.
Katnaşu öçen gariza
Rukowodstwo