«Геннадий Айги һәм Кави Латыйп варислары»

I regionara «Gennadiy Aygi häm Kawi Latıyp warisları» açık ädäbi konkursınıñ maksatı – sälätle yaş awtorlarnıñ ädäbiyat ölkäsendäge icadi potentsialın üsterüdä bulışlık kürsätü. Konkursnıñ üzençälege – ike teldä – tatar häm çuwaş tellärendä ütüe.

 Konkurs üz aldına tübändäge burıçlarnı kuya häm gamälgä aşıra:

– ädäbiyat ölkäsendä sälätle balalarnı häm yaşlärne barlau, alarga icadi yaktan kamilläşüdä, üsüdä yardäm kürsätü;

– balalarda häm yaşlärdä estetik zäwık häm ädäbi mädäniyatkä mäxäbbät tärbiyaläü;

– sälätle yaş yazuçılarnıñ igtibarın xäzerge zaman ädäbiyatına häm xalkınıñ ruxi mirasına yunälderü;

– törle millät xalıkları arasında duslık cepläre buldıru;

– sälätle yaşlärne Sälät oeşması proektlarına cälep itü.

Ul tübändäge nominatsiyalär buença ütä:

– tatar şigriyate / çuwaş şigriyate;

– tatar telendä çäçmä äsär / çuwaş telendä çäçmä äsär;

– tatar telendä balalar ädäbiyatı / çuwaş telendä balalar ädäbiyatı;

– tatar dramaturgiyase / çuwaş dramaturgiyase;

– tatar publitsistikası / çuwaş publitsistikası.

Kazıylar şurasına Tatarstan häm Çuwaşiya Yazuçılar soyuzı ägzaları, tanılgan tatar häm çuwaş şagıyrläre, yazuçılar häm jurnalistlar kerä.

Konkursta 11 yaştän alıp 21 yaşkä kadär bulgan sälätle mäktäp balaları häm belem birü oeşmaları studentları katnaşa ala.

Garizalar 13 oktyabrgä kadär kabul itelä. Konkursnıñ nigezlämäse belän monda tanışa alasız.


GARIZA BIRERGÄ