Әйдаманнар мәктәбе

Äydamannar mäktäbe  – Sälät berläşmäseneñ möhim proektlarınnan berse. Ul cäyge profille smenalarga äydamannar äzerläü öçen  komanda tuplap, alarnı el däwamında ukıtunı üz östenä ala. El däwamında äydamannar törle yunäleştä eş alıp baralar: sälätle balalar belän eşli belü, komandada üzeñne kürsätü, Sälät traditsiyalären öyränü, printsipların belü, sälätlelär öçen törle çaralar uylap tabıp uzdıru.

Proektnıñ maksatı – Sälätneñ cäyge smenalarına komanda tuplau.

Älege mäktäp tübändäge mäsälälärne çişä: Sälätneñ här cäyge smenasına komanda tuplau, studentlarga Sälät moxitendä uñaylı şartlar tudıru. El axırında Respublikaküläm «Äydamannar yarışı» bäygese uzdırılıp iñ yaxşıları bilgelänä.

Proekt berençe tapkır 2002-nçe elda tormışka aşırıla.  Anda Kazannıñ uku yortlarınnan 55 student katnaşa. Bügenge köndä bu mäktäpne 1500 student tämamladı.

Äydamannar mäktäbe sigez etapta ütkärelä: 

1 etap - çittän torıp saylap alu, äñgämälär; 

2 etap - Sälät yortında onlayn häm offlayn däreslär (Ostrowskiy ur., 23 y.); 

3 etap - onlayn test uzu; 

4 etap - küçmä mäktäptä katnaşu öçen äñgämä; 

5 etap - küçmä mäktäpne uzu; 

6 etap - mäktäp imtixannarın tapşıru; 

7 etap - citäkçelär belän äñgämä; 

8 etap - «Sälät» yaşlär üzäge DBU direktorı belän äñgämä.

Tulırak mäglümat nigezlämädä.

Garizanı monda tutırıp bula.