«Фәнсар» мәктәбе

Mirza Ismail ulı Mäxmütow isemendäge «Fänsar» mäktäbe «Fänsar» – mäktäp ukuçılarına östämä belem alu öçen şartlar häm mömkinleklär tudırıp, fängä tartıluçı yaşlärne açıklaunı, alarga yardäm itüne maksat itkän uku-ukıtu proektı.

«Fänsar» mäktäbe uku yortına yörep häm çittän torıp ukıy torgan mäktäp formatında eşli, anda Rossiyaneñ aldıngı yugarı uku yortları ukıtuçıları belem birä. Älege proektnıñ distantsion mäktäbe üz eşendä soñgı innowatsion kazanışlarnı kullana häm här ukuçıga şäxsi yakın kilä. «Fänsar»da onlayn- mäktäp eşli, sessiyalär uza. Näticäse – här elnı uza torgan «Sälät» fänni-gamäli konferentsiyase.

Bu proekt üz eşçänlegen 2002-nçe elda başladı. Şul wakıt aralıgında «Fänsar» mäktäbendä 2000-nän artık ukuçı katnaştı, soñrak alarnıñ härkaysı yugarı uku yortına kerügä ireşte.

«Fänsar» mäktäbe ike töp mäsäläne çişärgä mömkinlek birä:

- TR fänni-tikşerenü üzäkläre intellektual elita buldıru maksatında sälätle balalarnı barlau häm üsterü;

- Tatarstan Respublikası şähär häm rayonnarındagı ukuçılarnıñ üzläre telägän, alar öçen zarur belemne alu mömkinlege buldıru.

Proektnıñ maksatı – fängä tartıluçı balalar häm yaşlärgä mäktäptän tış östämä belem aluda yardäm itü, uñaylı şartlar tudıru, uku protsessında här balaga indiwidual karaş buldıru.

Proektnıñ burıçları:

- Sälätle balalar öçen östämä belem alu häm fänni-praktik eşçänlegendä turı yul kürsätü, balanıñ intellektual, icadi säläten açu häm üsterü ölkäsendä motiwatsion programma tudıru;

- Ordinar bulmagan şäxes öçen uñaylı kommunikatiw möxit buldıru;

- Xäzerge buın yaşlärendä aldıngı mäglümati texnologiyalär yunäleşendä kızıksınu uyatu;

- Şäxes öçen indiwidual karaş buldıru;

- Üzlektän belem alu, fänni eş başkaru ölkäsendä belem häm kiñäşlär birü;

- Här ukuçını indiwidual uku-ukıtu programması belän täemin itü;

- Mäktäp programmasında karalgan fännärne tiränten öyränü;

Proektnıñ katnaşuçıları:

- 9-11-nçe sıynıf ukuçıları;

- 4-5-nçe kurs studentları, aspirantlar, fän kandidatları;

- «Sälät» alannarında eş täcribäse bulgan äydamannar.

M.I.Mäxmütow isemendäge wirtual muzey

Rukowodstwo