Төбәкара «Болгар-Туган тел» чатыр аланы

«Bolgar – Tugan tel» alanı berençe tapkır 2014-nçe elda oeştırıldı häm üzenä Rossiyaneñ 11 subektınnan 500-dän artık sälätle balanı cıydı. Alan programması tatar telen, mädäniyaten öyränügä, telne tormışnıñ törle ölkälärendä gamäli kullanışın arttıruga yunältelgän. Programma katnaşuçılarnıñ härkaysın tatar mädäniyatenä şäxsän mönäsäbätle itep toyarga mömkinlek tudıra häm ber-bersen tulılandıra torgan törle tematik bloklarga bülengän mädäni häm belem birü çaralarınnan tözelä.

Proektnıñ maksatı – tatar telen öyränügä yaşlärneñ igtibarın cälep itü.

«Bolgar – Tugan Tel» üz aldına kuygan töp ike burıçnı ütärgä omtıla:

-          Yaña mäglümati häm metodik eşlänmälär kullanıp, tatar telen tiränten öyränü, tatar telle moxit buldıru;

-          Tatar mädäniyate traditsiyalären kabul itü häm üzläşterü. Aktiw pozitsiyale sälätle şäxes tärbiyaläüdä innowatsion alımnar kullanu.

Alan eşçänlege «Tatarstan Respublikası däülät telläre häm Tatarstan Respublikasındagı başka tellärne saklau, öyränü häm üsterü buença Tatarstan Respublikası däülät programması»n tormışka aşıru kısalarında Mägarif häm fän ministrlıgı häm KFUnıñ IFMK belän berlektä oeştırıla.