«Sälätle cäy»gä räxim it! ← kire kaytirga
Sälkeşlär häm alarnıñ äti-äniläre bigräk tä zarıgıp kötkän yañalık: «Sälätle cäy - 2025» yal itü kampaniyase üz eşçänlegen başlap cibärde!
Här balanıñ üzenä oşagan profille alannı saylau häm şuşı yunäleşne tiränten öyränü mömkinlege bar. Cäyge alannarnıñ isemlege belän Sälätneñ räsmi saytında tanışırga mömkin, garizalar portfolio-selet.ru saytında kabul itelä.
«Sälätle cäy – 2025» yal itü kampaniyase kısalarında, gadättägeçä, profille smenalar, töbäkara çatırlı «Bolgar –Tugan tel» alanı, XIV Xalıkara «Sälät» yaşlär uku-ukıtu forumı häm «Iske Kazan» cıenı planlaştırıla.
2024 elnıñ cäendä Sälät berläşmäse tarafınnan Tatarstan, Çuwaşiya, Başkortstan häm Kırım Respublikalarında 30 profille alan uñışlı uzdırıldı. Bu wakıt eçendä Sälät alannarı häm Forumnarında 14000 nän artık keşe yal itte, alar belän 500 dän artık äydaman eşläde. Şulay uk, xalkıbıznıñ tarixın öyränü, tugan telne saklau häm üsterügä yunältelgän çaralar uzdırıldı.
«Sälätle cäy» yal itü kampaniyasenä äzerlekle kadrlar cälep iteläçäk. Sälät bu eşne el äylänäse alıp bara. Kadrlar äzerläü maksatında «Äydamannar mäktäbe», «Başcitäklär mäktäbe» häm «Ukıtuçılar mäktäbe» uzdırıla. Alarnıñ eşçänlegendä 700 dän artık keşe katnaşa. Barlık Sälät alannarında, proektlarında katnaşırga teläüçe äydamannar öçen maxsus onlayn- häm oflayn-däreslär oeştırıla. «Başcitäklär mäktäbe» kısalarında metodistlar öçen uku-ukıtu programması uzdırıla, şulay uk media-belgeçlär öçen «Media mäktäbe» ütkärelä. Alannar öçen sıyfatlı programma äzerläü közdän ük başlandı.
Bu cäyne Sälättä bergä ütkärik!