«Sälät — Olimp» alanında imtixannarga häm olimpiadalarga äzerlän! ← kire kaytirga

Uñışlı näticälärgä ireşü öçen imtixannarga häm olimpiadalarga aldan äzerlänä başlarga kiräk. Äzerlek faydalı häm küñelle uzsın disäñ, «Sälät — Olimp» alanına kil! 

30 oktyabr - 5 noyabr könnärendä «Yoldızlı» bazası yaña belemnärgä omtıluçı iñ sälätle 2 - 11 sıynıf ukuçıların berläşteräçäk. 

Smenada sälkeşlärneñ şäxes bularak üseşenä yunälderelgän sıyfatların: kreatiwlık, ictimagıy aktiwlık, kommunikatiw künekmälär häm pozitiw fikerläüne üsterügä aerım igtibar birelä.

Smenanıñ yunäleşenä bäyle räweştä, uku-ukıtu programması kısalarında tübändäge däreslär uzdırıla:

- rus tele;

- matematika;

- ingliz tele; 

- äylänä-tirä dönya; 

- cämgıyat beleme.

Uku-ukıtu programması belän berrättän, smenada mädäni programma häm sport çaraları da oeştırıla. 

«Sälät — Olimp» alanında sälkeşlärneñ üseşe häm fän olimpiadalarına äzerlege, tikşerenü, analiz häm kreatiw fikerläü künekmälären üzläşterüe öçen barlık şartlar da tudırılgan. 

Garizalar sıltama buença kabul itelä.