M.I. Mäxmütow isemendäge «Fänsar» mäktäbe konferentsiyaseneñ II etap katnaşuçıları isemlege äzer! ← kire kaytirga

M.I. Mäxmütow isemendäge «Fänsar» mäktäbeneñ X Respublikaküläm fänni-gamäli konferentsiyaseneñ II etap katnaşuçıları isemlege äzer!

Konferentsiya Tatarstan töbäk «Sälät» yaşlär fondı  tarafınnan «Sälät» yaşlär üzäge däülät byudjet uçrejdeniyase belän berlektä Tatarstan Respublikası Fännär akademiyase, Tatarstan Respublikası Mägarif häm fän ministrlıgı, Tatarstan Respublikası yaşlär eşläre ministrlıgı häm Kazan federal (Idel bue) uniwersitetı katnaşında ütkärelä. 

Anıñ töp maksatı - Tatarstan Respublikası ukuçılarınıñ fänni potentsialın açıklau häm üsterü.

Konferentsiyaneñ burıçları:

- fän yunäleşendä sälätle ukuçılarnı bilgeläü;                    

- icadi häm intellektual yarış aşa ukuçılarnı törle fän ölkälärenä cälep itü, kızıksındıru, aktiwlaştıru;

- intellektual-icadi eşçänlekne populyarlaştıru, ukuçılar arasında fundamental häm gamäli fännärgä kızıksınu tudıru;                                

- fänni tikşerenülärgä kızıksınu uyatu, katnaşuçılarnı törle yunäleştäge  fänni mäktäplärgä cälep itü (matematika, informatika, lingwistika, meditsina, iktisad, biologiya, arxeologiya);      

- fänni-tikşerenü institutları, yugarı uku yortları galimnären mäktäp ukuçıları belän fänni eşlär başkaruga cälep itü, üz fännärenä karata balalarda kızıksınu uyatu mömkinlekläre tudıru;     

- mäktäp ukuçıları başkargan fänni eşlärneñ citäkçese yaisä konsultantı bularak katnaşuçı ukıtuçılarnıñ fän belän kızıksınuın arttıru häm fänni aktiwlıgın üsterü;

- ukıtu protsessında ukuçılarnıñ fänni-tikşerenü eşçänleklärenä bäyle mägarif programmaların häm metodikaların üsterü;

- tatar telen fundamental häm gamäli fännär ölkäsendä aktiw kullanu öçen motiwatsion şartlar tudıru.                               

Kiläse etapka uzuçı yaş galimnärne 30 aprel könne Sälät yortında kötep kalabız. Uñışlar telibez!