Gıynwar turında kıskaça! ← kire kaytirga
Gıynwar ae axırına yakınlaşa, el başında uzgan möhim wakıygalarnı bergäläp iskä töşerik!
· «Sanak» uku-ukıtu laboratoriyaseneñ kışkı küçmä sessiyase (02.01-08.01)
«Sanak» uku-ukıtu laboratoriyase katnaşuçıları 2025 elnı Sälättän başlap cibärde. Alar programmalaştıru serlärenä töşende, robotlar cıydı, cırladı, biede, räxätlänep yal itte.
· Kışkı «Rauşan» profille Sälät alanı (03.01-09.01)
Intellektual smena sälkeşläreneñ yalı şulay uk bik faydalı häm küñelle ütte, iñ şäp egetlär häm iñ şäp kızlar yalların ber atna däwamında «Yoldızlı»da, kışkı «Rauşan»da ütkärde.
· Kışkı «Ruxiyat» profille Sälät alanı (10.01-16.01)
Icadi alan sälkeşläre biredä xoreografiya, wokal, teatr yunäleşläre buença bay uku-ukıtu programması belän tanıştı, törle aktiwlıklarda katnaştı häm räxätlänep yal itte.
· Sälät «Almaz» Biznes-mäktäbeneñ garizalar kabul itü kampaniyaseneñ startı (12.01)
Sälät «Almaz» Biznes-mäktäbe katnaşırga teläüçelärneñ garizaların kabul itä başladı. Älege proektta katnaşu – törle zamança hönärlärneñ aerılgısız öleşe bulgan eşkuarlık künekmälärenä öyränü, täcribäle eşmäkärlärdän belem alu, «Almaz» cäyge smenasına buşlay yullama otu mömkinlege!
· X «Sämrux» el premiyaseneñ saylap alu etabları: «El kuldaşları», «El metodistı», «El alanı» nominatsiyaläre (14.01-16.01) häm «Sälät cırlıy» (11.01-18.01)
Katnaşuçılar üz nominatsiyaläre buença Sälät yortında üz çıgışların kürsätte, alar el däwamında ireşkän uñışları häm eşçänlekläreneñ näticäläre turında söylädelär. Märtäbäle jyuri ägzaları finalistlarnıñ çıgışların bäyaläde häm ciñüçelärne bilgeläde. Ciñüçelärneñ isemnären isä, 19 fewral könne, «Sämrux» el premiyasen tapşıru tantanasında beläçäkbez.
· «Cäyne xäterlätä mizgellär» fatirnigı (24.01)
Duslar, gitara, här sälätle yattan belgän cırlar, çınlap ta, bu fatirnik käefne kütärü häm cäyge könnärneñ cılısın toyu öçen iñ yaxşı çara! Sälätlelär küptän küreşäse kilgän dusları, yaratkan äydamannarı, baäcitäkläre belän Sälät yortında oçraştı, kiçä cılı mizgellärgä bay bulıp uzdı.
· Respublikaküläm «Media mäktäbe» proektınıñ küçmä sessiyase (24.01-26.01)
«Media mäktäbe» sezneñ yaratkan alanıgıznıñ eşçänlegen häm bulaçak çaraların berençelärdän bulıp sezgä yaktırtuçı SMM-belgeçlär äzerläde. Alar tanılgan ostazlar belän oçraştı, mawıktırgıç ostaxanälärdä katnaştı häm SMM sferasınıñ serlärenä töşende.
· Respublikaküläm «Başcitäklär mäktäbe» proektınıñ küçmä sessiyase (24.01-26.01)
Alannıñ eşçänlege iñ berençe başcitäklärdän başlana häm alar inde sezneñ onıtılmaslık cäy ütkärergä äzer!
· Respublikaküläm «Äydamannar mäktäbe» proektınıñ küçmä sessiyase (26.01-31.01)
Här elnı aerım tüzemsezlek belän kötep alıngan çaralarnıñ berse ul - «Äydamannar mäktäbe»! Bu elnı da ul cäygä bik küp abıy-apalar, çın äydamannar äzerläde.
· «Yaş yöräklär» teatr laboratoriyase däresläre (ay däwamında)
Teatr sängate belän kızıksınuçılar öçen laboratoriya däresläre üz eşçänlegen däwam itte. Katnaşuçılar maxsus däreslär häm treninglarda katnaştı, teatr sängateneñ üzençäleklären öyrände.