Yöräklärdä yañgıragan moñ! ← kire kaytirga

3 mart könne K.Tinçurin isemendäge teatr säxnäsendä gacäep «Tamırlar» muzıkal kontsertı uzdı! Bu kiçädä bezneñ yaratkan şagıyrebez Söläymannıñ şigırlärenä Sälät festiwale cırınıñ awtorı, kompozitor Roza Möxetdinowa icat itkän «Tamırlar» kantatası kürenekle artistlar häm «La Primavera» orkestrı başkaruında yañgıradı.

«Tamırlar» – ul tarixıbıznı xörmätläü, bügengebezne kaderläü häm kiläçägebezgä ömet belän karau! «Tamırlar» kantatası - tatar xalkı yazmışı turında muzıkal-şigri uylanu ul.

Kantatanıñ nigezenä şagıyr Söläymannıñ şul isemle poeması salıngan. Kantata sängat ostalarınıñ tulı ber buını başkaruında yañgıradı. Alar arasında-La Primavera Kazan däülät kamera orkestrı, Älfiya Capparowa citäkçelegendäge «Xıyal» kamera xorı, I.Äüxädiew isemendäge Muzıka kölliyate xorı, solistlar Rezedä Galimowa, Idris Gaziew, Färidä-Alsu duetı. Şigırlärne näfis süz ostaları Fänis Cihanşin, Robert Ibätullin häm Gölzada Safiullina ukıdılar.

Älbättä, barlık sälätlelär bu istälekle çaradan çittä kalmadı. Muzıkal wakıyga härber tamaşaçınıñ küñelendä yaktı tirän ez kaldırdı.