X «Sämrux» el premiyasenä garizalar kabul itü başlandı! ← kire kaytirga
«Sämrux» premiyase 2015 eldan başlap, Sälät xäräkätendä katnaşuçı sälätle balalarnı häm talantlı yaşlärne büläkläü, Sälät aktiwistlarınıñ, partnerlarınıñ, Sälät proektları awtorlarınıñ häm oeştıruçılarnıñ eşenä bäya birü maksatınnan oeştırıla. Respublikaküläm «Sämrux» el premiyase tübändäge nominatsiyalär buença ütkärelä:
- «El alan ukıtuçısı»
- «El forum başcitäge»
- «El klub kuratorı»
- «El klub citäkçese»
Premiya dürt etapta uzdırıla:
1 etap – «Garizalar kabul itü».
Katnaşuçılar garizanı raslangan formada www.selet.biz saytında tutıralar häm portfolioların Oeştıru komitetına cibärälär. Wakıtı – 2024 elnıñ 20 noyabrenä kadär.
2 etap – «Katnaşuçılarnı saylap alu. Çittän torıp katnaşu etabı».
Katnaşuçılarnı portfolio nigezendä saylap alu. Premiyaneñ Oeştıru komitetı katnaşuçınıñ garizasın karıy häm anı tübändä bilgelängän kriteriylar nigezendä bäyali. Katnaşuçınıñ kiläse etapka uzu-uzmawı cıelgan ballar sanına karap bilgelänä. Igtibar! Barlık nominatsiyalärdä dä katnaşuçılarnıñ soñgı ike elda ireşkän uñışlarına bäya birelä. Wakıtı – 2024 el, 24 noyabr - 4 dekabr.
3 etap – «Katnaşuçılarnı äñgämä nigezendä saylap alu».
Kandidatlar belän äñgämäne ekspertlar sowetı uzdıra häm bäya birä, anıñ töp maksatı – katnaşuçınıñ eşçänlege turında tulırak mäglümat alu. Katnaşuçınıñ çıgışı näticäläre buença ekspertlar sostawı ballar kuya. Alar berençe etap balları belän kuşıla. Biremnärneñ formasın häm eçtälegen ekspertlar bilgeli. Ekspertlar, näticä yasaganda, katnaşuçılarnıñ çittän torıp saylap alu etabında tuplagan balların da isäpkä alırga xokuklı.
Konkurs uzdırıluga 5 kön kala, uzdırılu urını, wakıtı häm konkursnıñ eçtälege xakında xäbär itelä. Wakıtı – 2024 elnıñ 5 dekabrennän 2025 elnıñ 16 gıynwarına kadär.
4 etap – «Tantanalı räweştä premiyane tapşıru».
2025 el, fewral – laureatlarnı häm premiyaneñ ciñüçelären büläkläü. Tantananı ütkärü datası häm wakıtı Oeştıru komitetı tarafınnan östämä räweştä xäbär itelä. Kötelmägän şartlar kilep çıkkan oçrakta, Oeştıru komitetı premiyaneñ uzdıru etapların üzgärtergä mömkin.
Premiya Tatarstan töbäk «Sälät» yaşlär fondı tarafınnan Tatarstan Respublikası Xökümäte yardäme belän ütkärelä.
Tulırak mäglümat nigezlämädä.
Garizalarıgıznı kötep kalabız!