«Fänsar» mäktäbeneñ fänni-gamäli konferentsiyase sälätle yaş galimnärne üsterä!

30 aprel könne Sälät yortında M.I. Mäxmütow isemendäge «Fänsar» mäktäbeneñ X Respublikaküläm fänni-gamäli konferentsiyasendä II etapka saylap alıngan iñ yaxşı fänni eşlär täkdim itelde, katnaşuçılar öçen faydalı oçraşular uzdırıldı, xörmätle ekspert sowetı xisapları nigezendä näticälär çıgarılıp, ciñüçelär häm laureatlar büläklände!

Konferentsiyagä fänni eşlär tübändäge yunäleşlär buença kabul itelde:

1. Galäm, Cir şarı häm tabigatkä karagan fännär (fizika, ximiya, biologiya, ekologiya)

2. Keşe häm cämgıyat turındagı fännär (iktisad, sotsiologiya, pedagogika, psixologiya, tatar tele, tatar ädäbiyatı, tarix)

3. Taswirlau, modelläşterü fännäre häm gamäli fännär (semiotika, matematika, informatika).

Bıel M.I. Mäxmütow isemendäge «Fänsar» mäktäbe konferentsiyasenä Tatarstan Respublikası rayonnarınnan häm kürşe regionnardan 90 nan artık eş kabul itelde, alarnıñ 62 se kiläse etapka uzdı, 15 se ciñüçe isemenä laek buldı.

Respublikabıznıñ mäşhür galimnäre katnaşuçılarnıñ eşlärenä bäya birde, konferentsiyaneñ ciñüçelären bilgeläde, yaş galimnärgä üz kiñäşlären citkerde. Ciñüçelärgä diplomnar, partnerlarıbızdan istälekle büläklär, alarnıñ fänni citäkçelärenä räxmät xatları tapşırıldı.

M.I. Mäxmütow isemendäge «Fänsar» mäktäbeneñ X Respublikaküläm fänni-gamäli konferentsiyase ciñüçeläre isemlege .

Afärin! Zur ciñüegez belän barıgıznı da kotlıybız, barlık katnaşuçılarga räxmätebezne citkeräbez.