Ör-yaña gimnaziya, möxtäräm kunaklar, berençe kıñgırau çıñlawı: «Asıltaş» Sälät mäktäbendä Belem köne bulıp uzdı ← kire kaytirga

Bıelgı Belem bäyräme «Asıltaş» Sälät mäktäbe ukuçıları öçen aeruça istälekle, çönki bügennän alar ör-yaña «Açış» gimnaziyasendä belem alaçaklar.

Biredä balalarnıñ räxätlänep belem aluı, şäxes bularak formalaşuı, sälätlären üsterüläre öçen barlık mömkinleklär dä tudırılgan: zamança cihazlandırılgan sıynıflar, küpfunktsiyale aktlar zalı, sport zalı, sport mäydançıkları, basseynnar, irken aşxanä.

Täüge tapkır ör-yaña gimnaziyaneñ busagısın atlap kerüçe ukuçılarnıñ nindi şartlarda belem alaçagı belän TR Räise Röstäm Miñnexanow, Kazan şähäre merı Ilsur Metşin, Däülät Duması deputatı Marat Nuriew häm TR Mägarif häm fän ministrı Ilsur Hadiullin da tanıştı.

Bulaçak jurnalistlar, injenerlar, tel belgeçläre, yözüçelär, şaxmatçılar, muzıkantlar märtäbäle kunaklarga «Açış» gimnaziyasendä buldırılgan uñaylıklar turında söyläde.

Möxtäräm kunaklar gimnaziyaneñ infrastrukturasın bik yugarı bäyaläde. «Bu mäktäp ürnäk bulıp tora. El saen küp mäktäplär tözelä, läkin alar härberse bik üzençälekle. Bezneñ böten tırışlıgıbız balalarga uñaylı şartlar tudıru», - dip bilgeläp ütte TR Räise Röstäm Miñnexanow häm ukuçılarga uñışlı uku elları teläde.

Ukuçılarga kotlau süzlären Kazan şähäre merı Ilsur Metşin da citkerde: «Yaña uku elı uñışlı, bäxetle, tınıç bulsın, balalar bezne söenderep kenä torsınnar! Biredä alarnıñ ukuı, üseşe öçen barlık şartlar da tudırılgan».

TR Räise yardämçese, TR «Aldıngılar xäräkäte» balalar häm yaşlär gomumrossiya ictimagıy däülät xäräkäteneñ töbäk bülege sowetı citäkçese Timur Söläymanow gimnaziyaneñ bar yaklap ta kilgän buluın bilgeläp ütte. «Aldıngılar» xäräkäte, «Sälät» xäräkäte «Açış» mäktäbe ukuçılarına uku däwerendä dä, däreslärdän tış ta üz-üzlären açarga, kürsätergä, üsärgä yardäm itäçäk. Sezneñ härberegez sälätle, üzençälekle! Sezneñ şuşı sälätegezne açu - «Açış» mäktäbeneñ töp maksatı», - dip assızıkladı ul.

«Sälät» sıynıfları häm klubları «Adımnar» mäktäpläre bazasında da uñışlı eşläp kilä. «Sälät» sıynıfları ukuçılarınıñ Belem bäyräme Aktanış, Alabuga, Tübän Kama, Älmät häm Kazan şähärlärendä bulıp uzdı. «Sälät-Adımnar» sıynıflarınıñ gomumi sanı arttı.

Asıltaşlar el däwamında Sälättä häm mäktäptä uzdırıluçı proektlarda, çaralarda katnaşa. Gailälärneñ ber-berse belän yakınnanrak tanışuı, kızıksındırgan soraularına cawaplar tabuı öçen küçmä sessiyalär, törle ölkälärdäge tanılgan şäxeslär belän oçraşular oeştırıla. Ukuçılar törle kontsertlarga, ekskursiyalärgä, teatrlarga, muzeylarga, kürgäzmälärgä yöri. Asıltaşlar yaña uku elında da Sälät berläşmäseneñ törle proektlarında häm çaralarında katnaşıp, belemnären tiränäytäçäk häm yaña täcribä tuplayaçak.

Täüge tapkır mäktäp busagasın atlap kergän ukuçılar belem dönyası belän tanışuların başladı, ä 2 nçe, 3 nçe häm 4 nçe «Ä» sıynıf ukuçıları isä, nıklı itep, yaña uku elına ayak bastı. Ul balalar öçen dä, alarnıñ ukıtuçıları häm äti-äniläre öçen dä uñışlı, gomerlekä istä kalırlık matur häm yaxşı bulsın ide!