«Sämrux» el premiyaseneñ saylap alu etapları sälätlelärne kabat bergä jıydı kire kaytirga

«Sämrux» el premiyaseneñ saylap alu etapları sälätlelärne kabat bergä jıydı

Sälätle balalarnı häm yaşlärne üsterü ölkäsendä respublikaküläm «Sämrux» el premiyaseneñ saylap alu etapları Sämrux koşına laeklı yaşlärne açıkladı. Sälätlelär öçen bu çara ellık eşneñ nätijäsen kürsätü çarası bularak ta iñ möhimnärneñ berse bulıp tora. Premiyaneñ maksatı: Sälät xäräkätendä katnaşuçı sälätle balalarnı häm talantlı yaşlärne büläkläü, Sälät aktiwistlarınıñ, partnerlarınıñ, Sälät proektları awtorlarınıñ häm oeştıruçılarnıñ eşenä bäya birü. Traditsion räweştä här nominatsiyadä katnaşırga teläk belderüçelär texnik saylau nigezendä finalga uza häm ikençe etapta belgeçlärgä üz çıgışların täkdim itä, intellektual belemnären kürsätä.

Bıel «Sämrux» el premiyasendä barlıgı 18 nominatsiya: «El sälkeşe», «El äydamanı», «El kuldaşları», «El ölkän äydamanı», «El metodistı», «El direktorı», «El alanı», «El klubı», «El ostazı», «El partnerı», «Sälät cırlıy», «Forum başcitäge», «Sälät stipendiyase», «Bez räxmätle», «Ber dulkında», «Sälät klassı», «El klub kuratorı», «El klub ukıtuçısı» buença ciñüçelär bilgelände. Barlık nominatsiyalärdän 100 gä yakın gariza kabul itelde.

«El äydamanı» «Äydamannar yarışında», «El klubı» töbäk «Sälät» klubları öçen gamäli uku-ukıtu seminarında bilgelänsä, «El sälkeşe», «El ölkän äydamanı», «El metodistı», «El direktorı», «El kuldaşları», «El alanı» nominatsiyaläreneñ saylap alu etapları Sälät Yortında uzdı. Märtäbäle jyuri ägzaları finalistlarnıñ çıgışların bäyaläde häm ciñüçelärne bilgeläde.

Soñgı bulıp “El alanı” nominatsiyaseneñ saylap alu etabı uzdı. Barlıgı 7 alan Sälät yortında üz çıgışların kürsätte, alar el däwamında ireşkän uñışları turında, alannarınıñ üzençälege häm eşçänlegeneñ näticäläre turında söylädelär. Çıgışlarnı maxsus çakırılgan kazıylar bäyaläde: TR Räise yardämçese, «Aldıngılar xäräkäte» Rossiya balalar häm yaşlär xäräkäteneñ Respublika bülege citäkçese Timur Söläymanow, TR Ministrlar Kabinetı Apparatınıñ Sälamätlek saklau, sport häm sälamät yaşäü räweşen formalaştıru mäsäläläre idaräse başlıgı Rauşan Zaripow, TR Däülät Sowetınıñ Byudjet, salımnar häm finans komitetı räise urınbasarı Kamil Nogaew, TR yaşlär eşläre ministrı urınbasarı Aygöl Sabirowa, TR Mägarif häm fän ministrlıgınıñ, milli mägarif bülege citäkçese Ence Gıyzätullina, «Sälät» yaşlär üzäge direktorı, IX Sälät klubı prezidentı Aygöl Gabdraxmanowa, Tatarstan töbäk «Sälät» yaşlär fondı general direktorı Elina Nasibullina, Filologiya fännäre kandidatı, «Sälät» mägarif häm uku-ukıtu texnologiyaläre üzäge citäkçese Dilärä Yakubowa.

Ciñüçelärneñ isemnären isä, 19 fewral könne, «Sämrux» el premiyasen tapşıru tantanasında beläçäkbez.
Barlık katnaşuçılarga da uñışlar telibez!