Sälät kabat iñ şäp yaş şaxmatçılarnı bilgeläde! kire kaytirga

Sälät kabat iñ şäp yaş şaxmatçılarnı bilgeläde!

5 nçe mayda Sälät Yortı yaş şaxmatçılar öçen kabat üz işeklären açtı. Ädip Älmir kubogına VII şaxmat turnirınıñ yomgaklau uenı uzdı.

Uzgan elgı format auditoriya öçen kızıklı bulu säbäple, oeştıruçılar bıelgı turnirnı da onlayn platformada başlap cibärde. Turnirga Tatarstannıñ 30 rayonınnan 700dän artık gariza kilde!  

27 nçe aprel könne lichess.org platformasında yarışnıñ onlayn etabı ütte. 
56 yaş şaxmatçı saylap alu uzdı. 5 nçe mayda 50 finalist inde çın şaxmat taktası artında köndäşläre belän küzgä-küz oçraştı.

     Här yöreşne töptän uylarga, üzeñneñ genä tügel, köndäşeñneñ dä adımın aldan farazlarga kiräk. Wakıt turında da onıtırga yaramıy - monı yaş şaxmatçılar yaxşı belä. Şuña da uen çın mägnäsendä kızu bardı!

Yarışlar ike törkemdä ütkärelde:

– I törkem – häwäskär uençılar (razryadsız);
– II törkem – razryadı bulgan uençılar (1-3 razryadlı). Näticädä häwäskärlär häm razryadları bulgan uençılar arasınnan öçär prizer bilgelände:

I törkem: I urın – Ämirxan Xäyrullin (10 yaş, Baltaç rayonı), II urın – Almaz Cälilow (17 yaş, Spas rayonı), III urın – Insaf Möxämmädiyarow (14 yaş, Saba rayonı);

II törkem: I urın – Ruslan Minxäydärow (8 yaş, Kazan şähäre), II urın – Nurlan Xismätow (12 yaş, Kukmara rayonı), III urın – Irek Galiew (17 yaş, Kazan şähäre).

Turnir prizerlarına istälekle büläklär tapşırıldı, ä ciñüçelär Ädip Älmir kubogına iya buldı. 

Yarışta üz köçen sınap karagan här katnaşuçıga räxmätebezne belderäbez! Afärin!