«Sanak» uku-ukıtu laboratoriyase sine küçmä yazgı sessiyasendä kötä! ← kire kaytirga
«Sanak» uku-ukıtu laboratoriyase katnaşuçıları Bilärgä yazın da, cäen dä, közen dä, kışın da kayta!
Proektnıñ maksatı — Tatarstan Respublikasınıñ häm başka regionnarnıñ sälätle balalar häm yaşlärneñ mäglümati texnologiyalär ölkäsendä intellektual häm icadi potentsialın gamälgä aşıru öçen mäydançık buldıru.
«Sanak» uku-ukıtu laboratoriyaseneñ yazgı küçmä sessiyase 27 aprel - 2 may könnärendä Bilärdä «Fänsar» bazasında uzaçak.
Sälkeşlärneñ uku-ukıtu programması gayat tıgız häm kızıklı bulaçak: alar programmalaştıru nigezlärenä töşenäçäk, mäglümati texnologiyalär ölkäsen öyränä, kiçke çaralarda, uennarda katnaşıp yal itä alaçak.
Laboratoriyaneñ uku-ukıtu programması üz eçenä olimpiadalı programmalaştıru, kompyuter lingwistikasın, söyläm texnologiyalären öyränü, web-eşlänmälär yasau, robototexnika, mobil kuşımtalar, kompyuter uennarı uylap tabu, 3d-modelläşterüne ala. Däreslärne respublikabıznıñ äydäp baruçı studentları, aspirantları häm ukıtuçıları alıp bara.
Iñ faydalı häm räxät yallar «Sanak» uku-ukıtu laboratoriyaseneñ yazgı küçmä sessiyasendä!
Sin dä yaş IT-belgeçlär rätendä bulırga teliseñ ikän, laboratoriyaneñ yazgı sessiyasenä garizañnı cibär!