«Sälät»neñ yubiley forumı tämamlandı kire kaytirga

«Sälät»neñ yubiley forumı tämamlandı

Bilärdä X Xalıkara «Cälät» yaşlär uku-ukıtu forumınıñ azakkı smenası – LEADERS BILER FORUM tämamlandı. Forum kısalarında Rossiya mäktäp ukuçıları xäräkäteneñ Bötenrossiya «Ekotrend» smenası uzdı.

Forumga Tatarstannıñ barlık rayonnarınnan häm ilneñ 17 töbägennän meñnän artık aktiwist kilde. Katnaşuçılar ekologiya ölkäsenä bagışlangan törle master-klasslar häm lektsiyalärdä katnaştı, şulay uk kızıklı spikerlar – Rossiya häm Tatarstan tıyulıkları xezmätkärläre, törle MMÇ wäkilläre häm zur oeşmalarnıñ liderları belän aralaştı.

5 kön däwamında 230 yaş ekolog häm 970 ukuçılar uzidaräse aktiwistı 75 tematik sessiyadä katnaştı. Däreslärdä alar tabigatne saklau ısulları, uñışka ireşü yulları, hönär saylau neçkälekläre turında fiker alıştı. Uku-ukıtu programmasınnan tış, smena däwamında Rossiya mäktäp ukuçıları xäräkäte oeşmanıñ tarixı, traditsiyaläre häm proektları belän tanıştıra torgan öç masştablı interaktiw uen ütkärde: balalar kwestlarda, kwiz häm oçraşularda katnaştı.

Forumnıñ yabılu tantanasında «Sälät» yaşlär üzäge direktorı Aygöl Gabdraxmanowa katnaşuçılarga möräcägat itte:
«Bügen altınçı smenanıñ yabılu tantanası gına tügel, bügen X Xalıkara «Cälät» yaşlär uku-ukıtu forumı tögällänä. Bez bu istälekle wakıyganıñ şahitları! Ämma Sälätneñ işekläre härwakıt açık: bez barıgıznı da el däwamında uza torgan proektlarda, «Argamak», «Yoldızlı» häm «Fänsar» bazalarında häm bezneñ moxitebezdä kötäbez».

Yabılu tantanasında Sälät aktiwistların büläklädelär. Berläşmäneñ üseşenä zur öleş kertkän äydamannar, başcitäklär häm oeştıru komitetı wäkillärenä I, II häm III däräcädäge Sälät bilgeläre birelde.

Kiçne sälkeşlär, äydamannar häm oeştıru komitetı ägzaları tarafınnan äzerlängän «SeletVision» dip atalgan icadi kontsert belän däwam ittelär. Soñınnan çaranıñ töp kunakları – «Intonatsiya» törkeme kontsertı çıgış yasadı.

Isegezgä töşeräbez, Prezident Röstäm Miñnexanow yardäme belän uzdırıla torgan X Xalıkara «Cälät» yaşlär uku-ukıtu forumı 6 smena formatında ütä.

Forumnıñ berençe smenası JUNIOR SKILLS BILER FORUM Tatarstannıñ barlık rayonnarınnan häm kürşe töbäklärdän meñnän artık mäktäp ukuçısın cıydı. Forum balalarga xäzerge zaman häm kiläçäk hönärlären üzläşterü öçen yaña mömkinleklär tudıruga yunältelgän ide. Kazan däülät arxitektura-tözeleş uniwersitetı belän berlektä oeştırılgan arxitektura, modelläşterü häm dizaynga bagışlangan mäydançıklar eşläde. Katnaşuçılar fänni şou karıy, pilotsız oçkıçlar, awiatsiya sistemaları, lettering, garäp kalligrafiyase belän yakınnanrak tanışa aldı. Şulay uk alar üz kulları belän art-obektlar tözede häm Sälät parkı maketın äzerläde. Ekologiyagä bagışlangan çaralar ütkärelde häm forum territoriyasendä cämägat bakçası buldırdı.

Iñ icadi smena – ARTS BILER FORUM-da muzıka, teatr sängate häm biyu yunäleşlärendäge icadi laboratoriyalär eşläde. Här yunäleşneñ ostazı katnaşuçılardan üz törkemen tupladı häm forum däwamında yaña icadi nomer äzerläde. Laboratoriyalär üz xezmätlären icadi kontsertta kürsätte: klassik häm tatar xalık köylärenä nigezlänep yazılgan cırlar başkarıldı, Sälät marşına yaña karaş täkdim itelde. Biyu häm teatr yunäleşendä tatar mädäniyateneñ maturlıgın kürsätkän performanslar häm çıgışlar äzerlände. Forumda didjeing, xalık wokalı, xip-xop, flamenko, balet häm distälägän başka yunäleş buença 60 spiker çıgış yasadı.

Traditsion festiwal – SELET BILER FORUM-da Sälätneñ cäyge profille smenalarına saylap alunı ütkän sälätle balalar häm yaşlär katnaştı. Älege smena – Sälät oeşmasınıñ ellık eş näticäläre buença kulminatsion noktası, 1994 nçe eldan başlap, törle ellarda Sälät eşçänlegendä katnaşuçılarnıñ cıelu urını. Bıel smena soft skills ölkäsendäge aldıngı täcribälärne öyränügä yunälderelde, yagni uñışka ireşüdä möhim bulgan, hönäri üseşne näticäle itä torgan sotsial künekmälärgä bagışlandı. Uku-ukıtu programmasında kritik fiker yörtü, añlılık, stresska tüzemlelek, emotsional intellekt, ixlas aralaşu häm üz-üzeñä ışanıç kebek temalar buença treninglar uzdı.

MEDIA BILER FORUM-da foto häm wideoprodakşn, sotsial çeltärlärne alıp baru, telewizion jurnalistika, bloging häm podkastlar yunäleşe buença däreslär uzdı. Smena barışında sälätlelärneñ Bilärgä kayta başlawına 25 el tuluına bagışlangan «Sälät cıenı» tematik festiwale uzdı. Festiwaldä balalar üzläreneñ intellektual häm icadi potentsialların kürsätä aldı. «Sälät cıenı»na Tatarstan Respublikası prezidentı Röstäm Miñnexanow ta kilde. Çara kısalarında «Sälät – kiçä, bügen, irtägä» dip atalgan onlayn-oçraşu uzdı. Anıñ töp teması Sälät «Asıltaş» mäktäbeneñ üseş mömkinleklären bilgeläü buldı.

IT BILER FORUM smenasında IT häm mägarif, IT-trendlar, IT häm bizneska bagışlangan master-klasslar, profille mäydançıklar ütte. Belgeçlär katnaşında uzgan diskussiya mäydançıkları katnaşuçılarnı mawıktırgıç tsifralı dönya belän genä tügel, eşmäkärlek yunäleşe belän dä tanıştırdı. Smena barışında «Sälät» forumınıñ opensea.io saytında urnaştırılgan berençe NFT-tokenı satıp alındı.

Altınçı, häm bu cäyneñ soñgı smenası – LEADERS BILER FORUM Rossiya mäktäp ukuçıları xäräkäte belän berlektä oeştırıldı. Forum kısalarında Rossiya mäktäp ukuçıları xäräkäteneñ Bötenrossiya «Ekotrend» smenası uzdı. Räsmi açılışı tantanasında Rossiya Federatsiyase Prezidentınıñ Idel bue federal okrugındagı tulı wäkalätle wäkile urınbasarı Oleg Maşkowtsew, Rossiya mäktäp ukuçıları xäräkäteneñ başkarma direktorı Irina Pleşçewa, Tatarstan Respublikası yaşlär eşläre ministrı Damir Fättaxow katnaştı.

Forum däwamında balalar öçen «Närsä? Kayda? Kayçan?» intellektual uennarı oeştırıldı. Alıp baruçılar rolendä proektnıñ telewizion wersiyase belgeçläre Nikolay Krapil, Wera Rabkina, Denis Galiäkbärow häm Olga Bıkowa çıgış yasadı.

Forum smenalarında «Totrıklı üseş maksatları», «Tel häm tarix» temaları kızıl cep bulıp suzıldı. Älege yunäleşlärgä bagışlangan çaralar kwest häm interaktiw uennar formatında uzdı. Forumda şulay uk ekologiya yunäleşe – EkoSälät tä eşläp kilde. Cämägat bakçası, plastik utilizatsiyaläü urını, çüpne aerıp cıyu sisteması buldırıldı. Uku-ukıtu programmasında balalar öçen ekologiya belgeçlärennän lektsiya häm master-klasslar ütkärelde.

Şulay uk forumda «Canlı Sälät» («SeletLive») turı efirlar studiyase eşläde. Sälätneñ räsmi akkauntlarında tamaşaçı igtibarına barlıgı 23 çıgarılış täkdim itelde. Traditsion efirlar belän berrättän kiçke çaralardan da maxsus çıgarılışlar äzerlände. Turı efirlar studiyase Yaşlär eşläre federal agentlıgı häm Resurslar yaşlär üzäge yardämendä oeştırıla. Çıgarılışlarnı Sälätneñ Instagram, «WKontakte» häm YouTube-tagı räsmi akkauntlarında kararga mömkin.

Forum territoriyasendä «Sälät» radiosı eşläp kilde. Kön däwamında Bilärdä tatar klassik äsärläre, retro-xitlar, alternatiw muzıka, «Sälät» alannarı audiodjinglları häm cırları yañgıradı. Şulay uk katnaşuçılar forum kunakları häm spikerlar belän kızıklı interwyular tıñlıy aldı.