Дөньяның иң яхшы 20 стартапы ← кире кайтырга

6 май көнне «Идел» Яшьләр Үзәгендә Ислам Хезмәттәшлеге Оешмасының (ИХО) актив һәм максатчан яшьләре өчен IV Казан яшь эшмәкәрләре форумының рәсми ачылыш тантанасы узды. Әлеге чара дөньяның 20 иленнән 70-тән артын стартапны бер урынга җыйды.

5 көн дәвамында форум катнашучылары белән 11 тренер һәм остаз эшләячәк. Форум программасы Россия Федерациясе һәм халыкара хезмәт берләшмәсе арасында хезмәттәшлек җепләрен ныгытуга һәм үстерүгә юнәлдерелгән.

Ачылыш тантанасының мәртәбәле кунаклары арасында ИХО яшьләр форумының Халыкара проектлар департаменты директоры Ахмет Халит Хатип, Татарстан Республикасының Инвестицион үсеш агентлыгы җитәкчесенең беренче урынбасары Инсаф Галиев, IT-парк җитәкчесе Антон Грачев һәм «Сәләт» Фондының башкарма директоры Тимур Сөләйманов бар иде. Кунаклар форум катнашучыларына уңышлар теләп калдылар.

10-нчы һәм 11-нче май көннәрендә KazanSummit2018 вакытында без кайсы проектларның инвестиция алуын беләчәкбез. Инвестиция алу форматы «Idea Croron Ka» дип исемләнгән Пакистан бизнес-реалити-шоу һәм инвесторлар белән әңгәмә форматында узачак, – дип сөйләде Форум по пресс-атташесы Эмилия Шакирова