26-нчы июньнән башлап 16-нчы июльгә кадәр, Байхиев исемендәге Икшермә кадет мәктәп-интернаты базасында Республикакүләм «Сәләт-Байлар Cабасы» аланы узачак.

Смена 7-11-нчы сыйныфларда укучы гуманитар фәннәр олимпиадалары җиңүчеләре һәм иҗади бәйге лауреатлары өчен оештырыла.

«Сәләт-Байлар Сабасы» аланының максаты – сәләтле балаларга һәрьяклап үсеш даирәсе булдыру, үсеш һәм иҗат мөмкинлекләрен ачу.

Аланда татар теле, журналистика, информатика буенча махсус курслар оештырыла. Алан «күңел экологиясе» һәм тирә-юньгә сакчыл караш принципларына таянып эшли.
  
Гаризалар portfolio-selet.ru сайтында кабул ителә.