ARTS BILER FORUM-ның театр юнәлеше жюри әгъзалары белән таныштырабыз.

Артём Пискунов - кино һәм театр актёры, Кәрим Тинчурин исемендәге Татар дәүләт драма hәм комедия театры артисты, алып баручы. Муса Җәлил, Дамир Сираҗиев исемендәге һәм «Тантана» премияләре лауреаты.
⠀
Әминә Миндиярова – режиссер. Казан дәүләт мәдәният институтын тәмамлаган (Фәрит Бикчәнтәев остаханәсе). Режиссер Евгения Берковичның ассистенты. Мәскәү шәһәре Диния нәзарәте уздыра торган чараларның режиссеры.
⠀
Искәндәр Нуриҗанов – театр һәм кино артисты, режиссер. Казан театр училищесын һәм ГИТИСны тәмамлаган. Рәсәй Федерациясе Театр әһелләре берлеге әгъзасы. «Анна Каренина» иммерсив шоу-спектакле, Болактагы Театр, «Угол» иҗат лабораториясе актеры.