«Сәләт» проектлары җитәкчеләре мәктәбе төгәлләнде ← кире кайтырга

21 нче 23 ноябрьдә «Волга» яшьләр үзәгендә «Сәләт»нең җәйге проектлары өчен җитәкчеләр мәктәбе булып узды.

Әлеге эшчәнлектә 40 директор һәм өлкән әйдаман катнашты. Алар «Сәләт»нең 2015 нче елды оешачак аланнарында җитәкче вазифасын башкарачаклар. Катнашучыларның күбесе Казаннан, шулай ук Яр Чаллы шәһәреннән, Байлар Сабасы районыннан, Башкорстан Республикасыннан да бар иде.

Мәктәпнең программасы команда оештыруга һәм шәхси үсешкә багышланган тренингларга корылган иде. Программа директоры Анна Фельдман һәм проект җитәкчесе Венера Сөләйманова белән берлектә, киләсе 2015 нче елга булган максатлар һәм бурычлар яңартылды, җитәкченең җаваплы хезмәт булуы кат-кат ассызыкланды.

Шулай ук булачак директорлар һәм өлкән әйдаманнар 2015 нче елның җәенә булган планнар һәм «Сәләт» эшчәнлеге белән танышып чыктылар.