«Сәләт» яшьләр үзәге директоры – Пакыстанда ← кире кайтырга
6-7-нче февральдә ИХО ICYF-ERC яшьләр форумының Евразия төбәк үзәге эшчәнлеге алып барыла торган 9 илнең берсе –Пакыстанда идарә советы утырышы узды. Анда үзәкнең генераль директоры Эльматдин Мехдиев, Румыния, Казахстан, Пакыстан, Әзербайҗаннан идарә әгъзалары катнашты. Россияне утырышта «Сәләт» яшьләр үзәге директоры Айгөл Габдрахманова тәкъдим итте.
Утырышта 3 төп мәсьәлә каралды: 2019-нчы елгы эшчәнлеккә нәтиҗә, 2020-нче елга эш планы кабул итү һәм төрлеләр (мәсәлән, ICYF-ның 15 еллыгы). Чара кысаларында Пакыстан Президенты Ариф Алви, Пакыстан Премьер-министрының яшьләр эшләре буенча махсус ярдәмчесе Усман Дар белән очрашулар оештырылды. Усман Дар 14-20-нче июньдә Казанда узачак ИХО илләре яшь эшмәкәрләренең VI форумына килергә теләк белдерде.