«Cәләт» форумы үз экваторын узды кире кайтырга

Форум «Cәләт» пересек свой экватор

Биләрдә XI Халыкара «Cәләт» яшьләр уку-укыту форумының өченче сменасы - Cоциаль күнекмәләр Биләр Форум (Социальные навыки /Soft Skills) төгәлләнде.

Cоциаль күнекмәләр Биләр Форумның (Социальные навыки /Soft Skills) катнашучылары Cәләтнең җәйге профильле аланнарына конкурс буенча сайлап алу узган яшьләр. Смена - Сәләт оешмасының ел дәвамында башкарылучы эшенә нәтиҗә ясаучы кульминацион ноктасы.

Йомгаклау кичәсендә Сәләт берләшмәсенең аланнарын һәм активистларын бүләкләү тантанасы булып узды. «Cәләт» яшьләр үзәге директоры Айгөл Габдрахманова, берләшмә лидерларының хезмәтләрен билгеләп, аларга ачык шәмәхә төстәге футболка тапшырды. Шулай ук активистларга, Сәләт берләшмәсен ныгытуга керткән өлешләре өчен һәм аларның югары абруен тануны белдереп, II һәм III дәрәҗәле Сәләт билгеләре тапшырылды. Бу кичтә бүләкләнгән активистларның тулы исемлеге сылтама буенча (җиңүчеләр бастырылган яңалыкка сылтама куярга).

Смена дәверендә аланнар спорт, мәдәни һәм интеллектуаль чараларда үзара көч сынаштылар. «Иң яхшы бию» номинациясендә «Cәләт-Рухият» аланы җиңде, иң яхшы презентация өчен кубокны «Cәләт-Азнакай» сәлкешләре алды, ә тотрыклы үсеш максатлары буенча узган уен кысаларында иң яхшы балалар лагере базасы проекты өчен призга «Cәләт-Биләр каласы» аланы сәлкешләре лаек булды.

Быел уку-укыту сессияләре киләчәктә һөнәри даирәдә уңышка ирешү өчен мөһим социаль күнекмәләр - Soft Skillsка багышланды. Смена кысаларында Татарстанның алдынгы белгечләре һәм бизнес-тренерлары остаханәләр үткәрде.

Форумда «Нәрсә? Кайда? Кайчан?» интеллектуаль уены булып узды. Уенны танылган белгеч, ике тапкыр «иң яхшы уенчы» исеме иясе - Ким Галачян алып барды. Форумда кубокка «Cәләт-Рухият» командасы лаек булды.

Смена кысаларында форумында «Асылташ» мәктәбе укучылары һәм аларның әти-әниләре, шулай ук берничә буында Сәләт белән бәйләнгән гаиләләр җыелды. 140 бала һәм аларның әти-әниләре форум мохитенә чумды, Биләр җирендә бергә вакыт уздырды.

Сменага кунакка Татарстанның атказанган артисты, Сәләт активисты Илназ Сафиуллин килде. Аның җырларына Сәләтнең бер генә буыны биемәде. Илназ Сафиуллинның һәр җыры хит, Сәләт яшьләренең барысы да диярлек аның җырларын яттан белә.

«Сәләт һәрвакыт минем тормышымның мөһим бер өлеше булды һәм бүгенге көнгә кадәр мин аның белән дусларча мөнәсәбәтләрдә кала бирәм. Мине монда һәрвакыт колач җәеп каршы алалар, ә быел мин монда гаиләм белән бергә кунакка килдем. Сәләт – ул үзеңне һәрвакыт яшь итеп хис итә торган урын. Форум бер урында гына тормый - даими рәвештә яңа проектлар барлыкка килә, лагерь территориясендә шартлар яхшыра һәм бу бик шатландыра», - дип бүлеште Сафиуллин

Алда катнашучыларны «Cәләт» форумының дүртенче сменасы - Медиа Биләр Форум (Медиа /Media) көтә. Ул 20 июльдән 26 июльгә кадәр узачак һәм медиаресурслар белән эшләүнең актуаль ысулларына багышланачак. Иҗади лабораторияләр һәм остаханәләр вакытында балалар ТВ-журналистика, фото һәм видео, подкастлар, блогинг, социаль челтәрләрне алып бару һәм башка юнәлешләр буенча цифрлы контент булдыру үзенчәлекләрен үзләштерәчәк.