Кадерле Әдип Әлмир, туган көнегез белән котлыйбыз! ← кире кайтырга

Сәләт проектлары җитәкчесе Әдип Әлмирне ихлас күңелдән туган көне белән котлыйбыз.

Безне илхамландыручы, яңа идеяләргә этәрүче остазыбыз! Сезгә нык сәламәтлек, күңел күтәренкелеге, тормышта оптимизм, иҗади уңышлар, бары тик күңелле вакыйгалар, бәхет телибез!

Гадел җитәкче булу һәм туплаган дус командага ихтирам белән карау һәр җитәкчегә дә бирелми. Без, Сәләтлеләр, бу яктан бик бәхетле. Үз эшенең остасы булу, бер үк вакытта берничә өлкәдә, заман сулышын тоеп, тарихны да онытмыйча дөрес юл белән алга атлау – бу чын талант! Сезнең хезмәтегез һәрвакыт югары бәяләнсен иде, башкарган эшегез ләззәт китерсен. Без Сезне бик яратабыз һәм хөрмәт итәбез! Бәйрәм белән!

Иң изге теләкләр белән Сәләтлеләр.