«Агыйдел» – креатив яшьләр тәрбияләү уку-укыту мохите ← кире кайтырга

2015-нче елның 3-9-нчы август көннәрендә Татарстан Республикасының Актаныш районында II Төбәкара яшьләр иҗади-интеллектуаль «Агыйдел» форумы үтәчәк.

Форумның максаты – иҗат һәм фән белән кызыксынучы яшьләрне берләштерү, аларны бер мәйданчыкта җыю. «Агыйдел» – креатив яшьләр тәрбияләү уку-укыту мохите. Биредә үз идеяңне проект итеп формалаштыру мөмкинлеге дә бар. 

«Агыйдел» – инновацияләр һәм иҗат мәйданчыгы. Форумның программасы үз эченә проект идарәсе буенча тренинглар курсын, Татарстан Республикасының әйдәп баручы компанияләреннән мастер-класслар, инглиз һәм татар телен тирәнтен өйрәнү, экологик тәрбия, спорт уеннарын ала. 

Форумда катнашыр өчен фән һәм проект эшчәнлеге белән шөгыльләнүче 14-17 яшьлек егет-кызлар чакырыла.

Катнашучы һәм әйдаман-тьютор булырга теләк белдереп гаризаларыгызны агыйдел.рф сайтына юллый аласыз.