Лейпциг кинотеатрында татар фильмнарын карап булачак

Татарстанское кино покажут впервые в кинотеатре Европы

11-нче ноябрь көнне Лейпциг кинотеатрында беренче тапкыр татар фильмнарын карап булачак. Төп кунак – режиссер, продюсер, яңа татар киносы вәкиле, халыкара кино фестивальләре лауреаты, Сәләт проектларында катнашучы, сәләтче Илшат Рәхимбай. Программада инглиз субтитрлары белән Илшат иҗат иткән татар клиплары һәм фильмнар тәкъдим ителәчәк. («Представь», «Не верю» һ.б.) Соңыннан фикер алышу да күздә тотыла.

Чараны оештыручылар – Лейпцигның талантлы татар яшьләре Данис Алиәскәров, Гөлназ Вәлиева, Асия Матушанская һәм Данис Сәгыйтов.

«HAVA Projects» медиа-компаниясенең вәкилләре, Сәләт Медиа-үзәге белән һәрвакыт хезмәттәшлек итүче команданың иҗат җимешен 24-нче гыйнвар көнне Казанда күрергә була.

«Представь» фильмы ике дини шәхес – мулла һәм атакай арасындагы мөнәсәбәтләрне сурәтли, дин чикләре, чын Алланы, үз-үзеңне эзләү хакында сөйли. Картинаның сопродюсеры – Рәсәй композиторы Александр Шульгин.

«Не верю!» фильмы – илһамландыручы фильм. Мәхәббәт хисләренә бай булган күренешләрне чагылдырган әсәр. Фильмда Г.Камал театры артистлары катнаша. Төп героиня – мәхәббәттән янып йөрүче яшь кыз.

Илшат Рәхимбайның талантын «Собака» журналы редакциясе дә күреп алган. Бүгенге көндә ул «ТОП 50» прмиясе номинанты. Аның өчен монда тавыш бирергә була.

Лейпциг кинотеатрында татар фильмнарын карап булачак ← кире кайтырга