Татарстан иң яхшы IT– стартап проектлар авторларын җыя ← кире кайтырга

14-20-нче июньдә Татарстан башкаласында узачак Ислам хезмәттәшлеге илләре яшь эшмәкәрләренең VI Казан форумына гаризалар кабул ителә башлады. Форумда IT– стартап идеяләрен тормышка ашыру өчен яңа бизнес-элемтәләр булдырырга һәм инвестицияләр җәлеп итәргә теләүчеләр катнаша.

ИХО илләре яшь эшмәкәрләренең Казан форумы – ИХО яшьләр форумы белән Татарстан Республикасы Хөкүмәте бергәләп оештыра торган чара. 2014-нче елдан башлап, форум ел саен уздырыла һәм йөзләрчә стартапны, инвесторны һәм экспертны җәлеп итә.

Форумның масштабы елдан-ел үсә. 2012-нче елдан 2019-нчы елга кадәр форумда 50 илдән 700дән күбрәк вәкил катнашкан, ә җәлеп ителгән инвестицияләр 2 млн доллардан артып киткән.

Спикерлар һәм экспертлар – стартапларга нигез салучылар, венчур капиталистлар, әйдәп баручы технологик фирмаларның С-класслы җитәкчеләре. Экспертлар берлегенә Adam Tech проектына нигез салучыларның берсе һәм Qatar Foundation программалы менеджеры Сухаиб Альхавалдах, Сколково фән һәм технология институты профессоры Желько Текич, «ИТ-парк» директоры Антон Грачев керәчәк.

Форумда иң яхшы дип табылган проектлар KazanSummit 2020 кысаларында инвесторларга тәкъдим ителәчәк.

Гаризаны https://kazanoicstartups.org/ сайтында яки selet.biz сайтында төп биттә KAZAN YOUTH FORUM төймәсенә басып калдырырга мөмкин.